Gradd Feistr mewn Gweinyddu Busnes (Llawn amser) (MBA)
Mae’r Meistr mewn Gweinyddu Busnes (MBA) yn Ysgol Fusnes Abertawe (YFA) yn rhaglen sefydledig sydd wedi’i chynnig i fyfyrwyr o bob cwr o’r byd ers dros 20 mlynedd. Fe’i cynlluniwyd i roi i weithwyr proffesiynol profiadol a graddedigion diweddar y sgiliau sydd eu hangen i lwyddo yn y byd busnes sydd ohoni.
Mae’r cymhwyster rheoli cyffredinol hwn yn uchel ei barch ar raddfa fyd-eang. Mae’n helpu myfyrwyr i ddatblygu sgiliau arwain allweddol, gan ei wneud yn ddelfrydol ar gyfer y rhai sy’n ceisio datblygu eu gyrfa neu newid gyrfa. P’un a ydych yn anelu at symud ymlaen yn eich rôl bresennol, dechrau llwybr entrepreneuraidd, neu ymuno â’r byd busnes am y tro cyntaf, mae’r rhaglen hon yn cynnig dull hyblyg a modern o ddysgu.
Mae’r MBA yn YFA yn unigryw am ei fod yn cynnig arfer yn y byd go iawn a phrofiad ymarferol, gan ganiatáu i fyfyrwyr gymhwyso’r hyn maen nhw’n ei ddysgu’n uniongyrchol i’w gyrfaoedd. Mae’r rhaglen yn cynnig llwybrau gwahanol, gan gynnwys MBA (Rheolaeth Twristiaeth) ac MBA (Rheolaeth Lletygarwch Rhyngwladol), sy’n darparu ar gyfer myfyrwyr sy’n dymuno arbenigo yn y diwydiannau hyn. Trwy gydol y cwrs, mae ffocws ar fusnes byd-eang, gan roi dealltwriaeth eang i fyfyrwyr o sut mae busnesau’n gweithredu’n rhyngwladol.
Yn PCYDDS, mae dysgu’n hyblyg a gellir ei deilwra i weddu i anghenion unigol. Gall myfyrwyr ddewis astudio ar y campws, ar-lein, neu drwy ddull cyfunol sy’n cyfuno’r ddau. Mae’r hyblygrwydd hwn yn berffaith i’r rhai sy’n cydbwyso astudiaethau â gwaith neu ymrwymiadau eraill. Mae’r cwrs yn annog dysgu gydol oes, gan sicrhau bod myfyrwyr yn tyfu’n gyson ac yn addasu i ofynion y byd busnes.
Drwy gydol y rhaglen, bydd myfyrwyr yn gweithio ar brosiectau cleientiaid, sy’n darparu profiadau ymarferol a chyfle i ddatblygu atebion ar gyfer busnesau go iawn. Mae hyn yn rhan allweddol o ffocws yr MBA ar arloesi ac yn paratoi myfyrwyr i fynd i’r afael â heriau busnes modern.
Mae astudio ochr yn ochr â charfan ryngwladol yn cynnig cyfle cyfoethogi i gydweithio a rhwydweithio gydag ymarferwyr proffesiynol o wahanol gefndiroedd a diwydiannau. Mae hyn yn helpu i greu profiad cyflawn, sy’n ehangu eich safbwyntiau ac yn meithrin cysylltiadau sy’n werthfawr mewn unrhyw yrfa fusnes.
At ei gilydd, mae’r MBA yn Ysgol Fusnes Abertawe yn ddewis ardderchog i’r rhai sy’n awyddus i ddatblygu eu sgiliau rheoli ac agor drysau i gyfleoedd gyrfaol newydd.
Manylion y cwrs
- Llawn amser
- Ar y campws
- Saesneg
Pam dewis y cwrs hwn
Beth fyddwch chi'n ei ddysgu
Mae ein rhaglen MBA wedi’i chynllunio i baratoi myfyrwyr ar gyfer amgylchedd busnes byd-eang sy’n newid yn gyflym, gan hyrwyddo cydbwysedd rhwng gwybodaeth ddamcaniaethol a chymhwyso ymarferol. Trwy fodylau sy’n canolbwyntio ar ddatblygu arweinyddiaeth, arloesi ac arfer yn y byd go iawn, byddwch yn datblygu craffter busnes byd-eang a sgiliau rheoli cyffredinol beirniadol. Mae’r cwrs yn darparu opsiynau dysgu hyblyg, gyda llwybrau ar gael ar gyfer astudio’n llawn-amser neu’n rhan-amser mewn dulliau safonol ac ansafonol. Isod, ceir dadansoddiad o’r hyn y byddwch chi’n ei ddysgu yn seiliedig ar y dull cyflwyno.
Blwyddyn 1:
Yn yr opsiwn hyblyg hwn, bydd myfyrwyr yn ymdrin â phynciau sylfaenol, gan gydbwyso astudiaethau â’u bywyd proffesiynol. Mae’r flwyddyn gyntaf yn canolbwyntio ar Reoli Busnes Strategol ac Ystwyth, Rheoli Pobl a Heriau Busnes Byd-eang, gan gynnig arfer yn y byd go iawn ochr yn ochr â gwaith.
Blwyddyn 2:
Bydd myfyrwyr yn canolbwyntio ar gwblhau eu traethawd hir, lle bydd ganddynt yr hyblygrwydd i ymchwilio i brosiect cleient neu feysydd ymchwil busnes eraill. Bydd hyn yn hwyluso newid neu ddatblygu gyrfa wrth gynnal cyfrifoldebau proffesiynol.
Gorfodol
(20 credydau)
(20 credydau)
(20 credydau)
(20 credydau)
(20 credydau)
(20 credydau)
(60 credydau)
Ymwrthodiad
-
Mae’r modylau a amlinellir uchod yn enghreifftiau o’r hyn y gallwch ddisgwyl ei ddysgu ar y cwrs hwn yn seiliedig ar addysgu academaidd diweddar. Rydym yn adolygu ein cyrsiau yn barhaus i sicrhau bod yr ansawdd yn cael ei wella ac er mwyn rheoli ein hadnoddau. Gall yr union fodylau sydd ar gael i chi yn y dyfodol amrywio yn amodol ar argaeledd a diddordebau ymchwil staff, pynciau astudio newydd, amserlennu a galw myfyrwyr. Os yw eich cwrs yn cynnwys modylau dewisol, diben rhain yw darparu elfen o ddewis o fewn y cwrs. Gall argaeledd modylau dewisol amrywio o flwyddyn i flwyddyn a byddant yn amodol ar gyflawni isafswm niferoedd myfyrwyr. Golyga hyn na ellir gwarantu argaeledd modylau dewisol penodol.
Fel arfer, byddwch yn cwblhau 120 credyd y flwyddyn astudio ar gwrs llawn amser. I gael rhagor o wybodaeth ewch i’n Cytundeb Myfyrwyr.
tysteb
Staff
Staff
Cewch chi eich dysgu a’ch cefnogi gan ystod eang o staff a thimau proffesiynol yma i’ch helpu i gael y profiad prifysgol rydych chi’n chwilio amdano. Roedd ein staff addysgu yn 2il yng Nghymru am Addysgu, Asesu ac Adborth a Chymorth Academaidd (ACF 2024) sy’n golygu y bydd y cymorth a’r adborth a gewch chi yn eich helpu chi i ddysgu a datblygu sgiliau academaidd cryf. Mae ein myfyrwyr wedi ein rhoi ni yn 1af yng Nghymru am Gyfleoedd Dysgu a Llais Myfyrwyr (ACF 2024) sy’n golygu bod ystod eang o gyfleoedd ar gael i wella eich astudiaethau a bod myfyrwyr yn chwarae rhan weithredol wrth lunio eu profiadau dysgu. Mae ein hymrwymiad i’ch dysgu chi wedi golygu bod ein myfyrwyr yn ein rhoi ni yn 1af yng Nghymru ac yn gydradd 3ydd yn y DU am foddhad myfyrwyr (Times Higher Education, 2024, mesur ‘Positifrwydd Cyffredinol’). Dysgwch ragor am ein staff academaidd sy’n addysgu ar draws ein cyrsiau.
Gwybodaeth allweddol
-
Rhaid i ymgeiswyr fod yn 21 oed neu’n hÅ·n a rhaid iddyn nhw fod ag un neu fwy o’r canlynol:
- Gradd anrhydedd gydnabyddedig (o leiaf 2:2) neu gymhwyster cyfatebol.
- Cymhwyster proffesiynol.
- Diplomâu/tystysgrifau’r Brifysgol mewn Rheoli Busnes.
- Gall ymgeiswyr 25 oed neu hÅ·n sydd ddim yn bodloni’r meini prawf gael eu derbyn ar y cwrs os bernir bod eu profiad proffesiynol neu eu profiad o reoli yn briodol.
Cyngor a Chymorth Derbyn 
I gael cyngor a chymorth penodol, gallwch gysylltu â’n tîm ymholiadau i gael rhagor o wybodaeth am ofynion mynediad.
Gofynion Iaith Saesneg 
Os nad Saesneg yw eich iaith gyntaf, neu os nad ydych wedi astudio drwy gyfrwng y Saesneg o’r blaen, mae ein gofyniad arferol yn gyfwerth â sgôr o 6.0 y System Brofi Iaith Saesneg Rhyngwladol (Prawf Academaidd IELTS), heb gael llai na 5.5 ym mhob un o’r is-brofion. Rydym hefyd yn derbyn profion iaith Saesneg ±ð°ù²¹¾±±ô±ô. &²Ô²ú²õ±è;
Ewch i ymweld ag adran Ceisiadau Rhyngwladol ein gwefan i ddysgu rhagor am ein Gofynion Iaith Saesneg a Chyrsiau Iaith Saesneg ymlaen llaw.
Gofynion fisa ac ariannu
Os nad ydych o’r DU ac nid oes gennych breswyliad yma yn barod, efallai bydd angen i chi wneud cais am fisa. &²Ô²ú²õ±è;
Ar gyfer cyrsiau sy’n fwy na chwe mis, bydd angen fisa myfyrwyr arnoch chi. &²Ô²ú²õ±è;
Dylai myfyrwyr rhyngwladol sydd angen fisa Myfyriwr wneud cais am ein cyrsiau llawn amser gan eu bod yn gymwys ar gyfer nawdd fisa Myfyriwr.  
I gael yr holl wybodaeth, darllenwch y dudalen gwneud cais am fisa a chanllawiau. â¶Ä¯â¶Ä¯&²Ô²ú²õ±è;
Sylwch mai dim ond ar gyfer rhaglenni wyneb yn wyneb, ar gampws, heb elfennau astudio ar-lein y gall myfyrwyr sy’n derbyn Cymorth Ffederal yr Unol Daleithiau wneud cais. &²Ô²ú²õ±è;
-
Caiff modiwlau eu hasesu gan waith cwrs. Gall hyn ei wneud mewn sawl ffordd gwahanol, gan gynnwys prosiectau sy’n seiliedig ar waith, prosiectau ymchwil byr, cyflwyniadau, dadansoddi astudiaethau achos a’r traethawd hir. Mae’n bosibl y bydd myfyrwyr y rhaglen llawn-amser, neu’r rhai sydd heb gyflogaeth ar hyn o bryd, yn gallu seilio eu prosiectau ar gwmnïau o rwydwaith helaeth o gyflogwyr SBS er mwyn cael dewisiadau eraill ar gyfer aseiniadau sy’n seiliedig ar waith.
-
Mae rhai modylau ar y cwrs hwn ar gael i’w hastudio trwy gyfrwng y Gymraeg yn llawn neu’n rhannol. Ym mhob achos bydd myfyrwyr yn gallu cyflwyno asesiadau ysgrifenedig trwy gyfrwng y Gymraeg.
Os byddwch chi’n dewis astudio eich cwrs yn llawn neu’n rhannol drwy gyfrwng y Gymraeg, efallai y byddwch yn gymwys i wneud cais am ysgoloriaethau a bwrsariaethau i’ch cefnogi gyda’ch astudiaethau.
Rydym yn adolygu ein darpariaeth cyfrwng Cymraeg yn gyson a bydd union argaeledd modylau yn amodol ar argaeledd a diddordebau ymchwil staff, pynciau astudio newydd, amserlennu a’r galw gan fyfyrwyr. Os yw eich cwrs yn cynnig modylau trwy gyfrwng y Gymraeg gall y math o fodwl amrywio o flwyddyn i flwyddyn ac fe fydd yn amodol ar gyrraedd isafswm nifer myfyrwyr. Golyga hyn na ellir gwarantu argaeledd modylau cyfrwng Cymraeg penodol.
Cyfleoedd Cymraeg Allgyrsiol
Yn ogystal, mae nifer o ffyrdd i ymgysylltu â’r diwylliant a bywyd Cymreig yn PCYDDS, gan gynnwys ymuno â chlybiau a chymdeithasau ar gyfer siaradwyr Cymraeg ac ymuno â Changen fywiog y Coleg Cymraeg Cenedlaethol. &²Ô²ú²õ±è;
Cyfleoedd i Ddysgu Cymraeg
Rydym hefyd yn darparu amrywiaeth o gyfleoedd i ddysgu ac i ddatblygu eich sgiliau Cymraeg. &²Ô²ú²õ±è;
-
Fel sefydliad, rydym yn ceisio gwella profiadau ein myfyrwyr trwy’r adeg, ac o ganlyniad, gallent ysgwyddo costau ychwanegol o ganlyniad i weithgareddau a fydd yn ychwanegu gwerth at ei addysg. Lle bo’n bosibl, bydd y costau hyn yn cael eu cadw mor isel â phosibl, gyda gweithgareddau ychwanegol yn ddewisol.
Bydd teithiau maes dewisol ar gael i fyfyrwyr. Bydd costau’r teithiau o fewn y DU a rhai rhyngwladol yn cael eu darparu ar ddechrau’r flwyddyn academaidd.
Bydd disgwyl i fyfyrwyr dalu’r gost bedair wythnos cyn i’r teithiau ddigwydd, a thri mis cyn y dyddiad gadael a chostau visa ar gyfer lleoliadau tramor.
-
Efallai eich bod yn gymwys i gael arian i helpu i gefnogi eich astudiaethau. I ddysgu am ysgoloriaethau, bwrsarïau a chyfleoedd ariannu eraill sydd ar gael, ewch i’n hadran Bwrsarïau ac Ysgoloriaethau.
-
Mae ein cyn-fyfyrwyr wedi elwa ar y cymhwyster hwn i hybu eu gyrfa yn y sectorau preifat, cyhoeddus a gwirfoddol/dielw, a hynny yn y DU a thramor.
Hefyd, mae ein myfyrwyr llawn-amser hefyd yn cymryd rhan mewn rhaglen o ymweliadau sefydliadol, gweithdai a digwyddiadau DPP (mewn cydweithrediad â’r Sefydliad Rheolaeth Siartredig) sy’n darparu cyfle i ymgeisio ac i rwydweithio. Maen nhw hefyd yn cael eu cefnogi i ddod o hyd i gyfleoedd profiad gwaith priodol ac i gynllunio a datblygu eu gyrfaoedd ar ôl graddio.
Mae gan y rhaglen ffocws alwedigaethol, ac mae’n defnyddio astudiaethau achos go iawn o sefydliadau sy’n gweithredu’n gyfredol. Rydym yn annog myfyrwyr i rannu eu profiad gwaith eu hunain ac i ddefnyddio eu gwybodaeth a’u sgiliau mewn ffyrdd creadigol ac arloesol.