���ϳԹ���

Y peth cyntaf i’w wneud yw ymchwilio’n drylwyr i’r Brifysgol, y rhaglen a’r holl ffactorau cysylltiedig eraill.  Ceisiwch ddeall cymaint ag y gallwch chi am y cwricwlwm, y cyfleusterau ac unrhyw ddatblygiadau diweddar a allai fod yn berthnasol.​ Bydd hyn yn dangos i’r sawl sy’n eich cyfweld bod gennych ddiddordeb gwirioneddol yn y maes. 

Rydych wedi cael eich gwahodd i gyfweliad yn seiliedig ar eich cais, felly gwnewch yn siŵr eich bod yn edrych dros eich datganiad personol a’ch CV a byddwch yn barod i drafod unrhyw gyflawniadau, profiadau a dyheadau a nodwyd gennych yn fanwl. 

Mae’n syniad da i ymarfer ateb cwestiynau cyfweliad cyffredin, a pharatoi ymatebion cryno ond difyr sy’n dangos eich cryfderau a’ch diddordebau. Mae’r math hyn o gwestiynau’n cynnwys, “Dywedwch ychydig wrthyf amdanoch chi’ch hun”, “Pam ydych chi eisiau astudio’r pwnc hwn?”, “Beth allwch chi ei gynnig i’n Prifysgol ni?”

Paratowch atebion sy’n arddangos eich sgiliau trwy feddwl am enghreifftiau i ddangos eich gallu i ddatrys problemau, eich sgiliau wrth weithio mewn tîm, profiad arwain ac ati.​ Bydd hyn yn ychwanegu dyfnder at eich atebion ac yn eich helpu i sefyll allan.

Eich ymddangosiad sy’n rhoi’r argraff gyntaf ohonoch, felly dewiswch wisg sy’n cyd-fynd â diwylliant y brifysgol a’r rhaglen rydych chi’n gwneud cais amdani. Bydd gwisgo’n broffesiynol ac yn gyfforddus yn rhoi hwb i’ch hyder ac yn gadael argraff gadarnhaol. 

Edrychwch ar foesau sylfaenol cyfweliad fel ysgwyd llaw yn gadarn, cynnal cyswllt llygad a gwrando gweithredol.​ Cofiwch fod yn gwrtais tuag at bawb y byddwch yn dod ar eu traws, oherwydd efallai y byddwch chi’n cyfarfod nifer o bobl ddylanwadol.

Gwnewch yn siŵr fod gennych restr o gwestiynau yn barod i’w gofyn i’r sawl sy’n eich cyfweld. Bydd hyn yn dangos eich bod yn awyddus i ddysgu mwy am y rhaglen.  Gallai cwestiynau cyffredin gynnwys holi am gyfleoedd pellach, cymorth gyrfaoedd, ac unrhyw beth arall sydd ganddoch chi ddiddordeb ynddo.​ 

Mae’n ychydig yn anodd i ddechrau ond,bcynnal ffug gyfweliadau gyda ffrindiau, teulu, neu fentoriaid yw’r ffordd berffaith i gael gwared ar y nerfau. ​Bydd yr ymarfer hwn yn helpu i fireinio’ch atebion, gwella’ch cyflwyniad ac yn eich gwneud yn llai nerfus.

Yn dibynnu ar eich rhaglen, efallai y bydd angen i chi ateb cwestiynau technegol yn ymwneud â’r maes pwnc. Paratowch ar gyfer hyn drwy adolygu cysyniadau allweddol, a datblygiadau diweddar yn y maes, a darllen gwaith sydd wedi’u gyhoeddi. 

Nid ceisio chwilio am feiau y mae’r cyfwelydd, maen nhw yno er mwyn deall yn well pwy ydych chi fel person. Cymerwch anadl ddofn, cadwch ar gyflymder cyson a byddwch yn chi’ch hun.​ Mae bod yn ddiffuant yn allweddol er mwyn gwneud cysylltiad go iawn gyda’r sawl sy’n eich cyfweld.