ºÚÁϳԹÏÍø

Gofynnir i’r holl raddedigion sydd wedi cwblhau cyrsiau perthnasol gymryd rhan yn yr arolwg Hynt Graddedigion.  Dim ond tua 10 munud mae’n ei gymryd i’w gwblhau.

Mae’n ceisio deall a ydych chi mewn cyflogaeth, wedi parhau gydag astudiaeth bellach neu’n gwneud rhywbeth arall, ac mae’n ystyried i ba raddau y mae eich cymhwyster wedi chwarae rhan.

Gofynnir i chi wneud yr arolwg hyd yn oed os ydych chi wedi parhau â’ch astudiaethau gyda ni, a hyd yn oed os gwnaethoch chi eich cwrs fel rhan o’ch cyflogaeth, neu fel gofyniad ar gyfer eich cyflogaeth bresennol.

Bydd eich ymateb yn ddienw ond bydd yn helpu’r Drindod Dewi Sant i farchnata a gwerthuso ein cyrsiau a bydd yn rhoi cipolwg hefyd i fyfyrwyr presennol ac yn y dyfodol ar gyrchfannau a datblygiad gyrfa. 

Mae’r arolwg hefyd o arwyddocâd cenedlaethol. Mae’n caniatáu i lunwyr polisi, elusennau, newyddiadurwyr, ymchwilwyr ac eraill ddeall y sector addysg uwch a chyflwr y farchnad lafur i raddedigion.

Mae’r arolwg yn cael ei gynnal gan yr Asiantaeth Ystadegau Addysg Uwch (HESA) felly byddant yn cysylltu â chi ar ran y Brifysgol.

Byddwch yn derbyn e-bost gan UniversityOfWalesTrinitySaintDavid@graduateoutcomes.ac.uk yn eich gwahodd i gwblhau’r arolwg ar-lein. Efallai y byddwch hefyd yn derbyn negeseuon testun gan ‘G°ù²¹»å°¿³Ü³Ù³¦´Ç³¾±ð’ a galwadau gan IFF Research ar ran y Brifysgol fel y gallwch gwblhau’r arolwg dros y ffôn.  Os nad oes modd cysylltu â chi, efallai y byddwn yn gofyn i drydydd parti fel aelod o’r teulu am y wybodaeth hon.

Peidiwch ag anghofio, er mwyn cysylltu â chi, y byddwn angen eich gwybodaeth ddiweddaraf. Os nad ydych chi’n meddwl ei bod gennym ni, gallwch chi ddiweddaru’ch manylion.

Os ydych chi’n fyfyriwr cyfredol, gallwch ddiweddaru’ch manylion gan ddefnyddio 

Byddwch yn cael yr arolwg tua 15 mis ar ôl i chi gwblhau eich astudiaethau. 

Bydd graddedigion yn cael eu grwpio ar draws y flwyddyn yn bedair carfan yn seiliedig ar ddyddiad gorffen eich cwrs. Yn dibynnu ar ba bryd y daeth eich cwrs i ben, byddwch yn derbyn eich gwahoddiad arolwg tua 15 mis yn ddiweddarach. Er enghraifft, os daeth eich cwrs i ben ym mis Mai i fis Gorffennaf 2023, byddwch yn derbyn gwahoddiad yr arolwg ym mis Medi 2024.

Mae’r tabl isod yn dangos pryd y byddwch yn cael yr arolwg: