Busnes Rhyngwladol (Llawn amser) (MBA)
Mae ein MBA mewn Busnes Rhyngwladol wedi’i gynllunio i roi i fyfyrwyr yr offer sydd eu hangen i lwyddo yn y farchnad fyd-eang. Mae’r cwrs hwn yn ddelfrydol ar gyfer y rheiny sy’n dyheu am weithio mewn busnes rhyngwladol ac sydd â diddordeb mewn dysgu am dueddiadau’r farchnad fyd-eang a sut mae busnesau’n gweithredu ar draws gwahanol ranbarthau.
Drwy gydol y rhaglen, bydd myfyrwyr yn ennill sgiliau rheoli gwerthfawr a throsolwg busnes strategol a fydd yn eu helpu i ddeall yr heriau a’r cyfleoedd sy’n codi wrth weithio mewn amgylchedd deinamig a rhyngwladol. Mae’r cwrs yn ymdrin â meysydd allweddol fel rheoli busnes, datblygu busnes ac entrepreneuriaeth, gan ganiatáu i fyfyrwyr ddatblygu gwybodaeth fusnes ymarferol a dealltwriaeth ddadansoddol o sut mae busnesau byd-eang yn gweithredu.
Un o nodweddion allweddol y rhaglen hon yw ei ffocws ar y farchnad fyd-eang, lle bydd myfyrwyr yn archwilio cymhlethdodau busnes byd-eang a sut mae economïau gwledydd gwahanol yn rhyngweithio â’i gilydd. Mae’r cwrs hefyd yn ymchwilio i arweinyddiaeth, gan helpu myfyrwyr i feithrin sgiliau arwain sy’n hanfodol i ddod yn arweinwyr busnes effeithiol mewn cyd-destun rhyngwladol.
Wedi’i chynllunio ar gyfer ymgeiswyr cartref a rhyngwladol, mae’r rhaglen yn darparu dealltwriaeth gynhwysfawr o sut y gall busnesau ffynnu mewn amrywiol leoliadau diwylliannol ac economaidd. Bydd myfyrwyr yn archwilio’r tueddiadau diweddaraf yn y farchnad fyd-eang, gan alluogi iddynt ddatblygu’r sgiliau rheoli ac arwain sydd eu hangen i lwyddo yn y byd rhyng-gysylltiedig sydd ohoni.
Yn ogystal, mae’r rhaglen yn canolbwyntio ar ddatblygu galluoedd sy’n hanfodol ar gyfer rheoli timau a phrosiectau ar draws ffiniau. Gyda phwyslais ar wybodaeth fusnes ymarferol, bydd myfyrwyr yn dysgu sut i gymhwyso eu sgiliau mewn sefyllfaoedd yn y byd go iawn, gan eu paratoi ar gyfer rolau mewn corfforaethau rhyngwladol neu ddod yn entrepreneuriaid llwyddiannus yn yr economi fyd-eang.
I grynhoi, mae MBA mewn Busnes Rhyngwladol yn darparu addysg gyflawn i fyfyrwyr mewn masnach, arweinyddiaeth a rheoli busnes rhyngwladol. Mae’r cwrs wedi’i gynllunio i ddiwallu anghenion y rhai sy’n anelu at adeiladu gyrfa mewn busnes byd-eang, p’un a ydynt yn gweithio i sefydliadau sefydledig neu’n dechrau eu mentrau eu hunain.
Manylion y cwrs
- Ar y campws
- Llawn amser
- Saesneg
Pam dewis y cwrs hwn
Beth fyddwch chi'n ei ddysgu
Rydym yn credu mewn ymagwedd gytbwys at addysg, gan gyfuno mewnwelediadau damcaniaethol a chymhwysiad yn y byd go iawn. Rydym yn canolbwyntio ar ddatblygu eich potensial trwy wybodaeth fusnes ymarferol, dysgu rhyngweithiol, a meithrin sgiliau arwain. Rydym yn annog cyfranogiad gweithredol, meddwl beirniadol, a dysgu adfyfyriol i’ch paratoi ar gyfer arweinyddiaeth mewn byd byd-eang.
Mewn un flwyddyn, byddwch yn ymdrin ag ystod eang o fodylau rheoli busnes a busnes byd-eang. Byddwch yn dechrau gyda phynciau craidd fel Cysyniadau Busnes Rhyngwladol a Throsolwg Strategol Busnes, gan adeiladu sylfaen gadarn. Wrth i’r flwyddyn fynd yn ei blaen, byddwch yn archwilio tueddiadau’r farchnad fyd-eang, yn gwella eich sgiliau rheoli ac arwain, ac yn canolbwyntio ar ddatblygu busnes ac entrepreneuriaeth. Mae’r modwl terfynol yn eich galluogi i gymhwyso’r wybodaeth hon trwy ymchwil neu waith ymarferol, wedi’i deilwra i’ch nodau gyrfaol.
(20 credydau)
(20 credyd)
(20 credydau)
(20 credydau)
(20 Credydau)
(20 Credydau)
Compulsory
- Traethawd Hir, NEU Astudiaeth Achos Integredig, NEU Gynnig Datblygiad Busnes (60 credydau)
(60 credydau)
(60 credydau)
Disclaimer
-
Mae’r modylau a amlinellir uchod yn enghreifftiau o’r hyn y gallwch ddisgwyl ei ddysgu ar y cwrs hwn yn seiliedig ar addysgu academaidd diweddar. Rydym yn adolygu ein cyrsiau yn barhaus i sicrhau bod yr ansawdd yn cael ei wella ac er mwyn rheoli ein hadnoddau. Gall yr union fodylau sydd ar gael i chi yn y dyfodol amrywio yn amodol ar argaeledd a diddordebau ymchwil staff, pynciau astudio newydd, amserlennu a galw myfyrwyr. Os yw eich cwrs yn cynnwys modylau dewisol, diben rhain yw darparu elfen o ddewis o fewn y cwrs. Gall argaeledd modylau dewisol amrywio o flwyddyn i flwyddyn a byddant yn amodol ar gyflawni isafswm niferoedd myfyrwyr. Golyga hyn na ellir gwarantu argaeledd modylau dewisol penodol.
Fel arfer, byddwch yn cwblhau 120 credyd y flwyddyn astudio ar gwrs llawn amser. I gael rhagor o wybodaeth ewch i’n Cytundeb Myfyrwyr.
Staff
Staff
Cewch chi eich dysgu a’ch cefnogi gan ystod eang o staff a thimau proffesiynol yma i’ch helpu i gael y profiad prifysgol rydych chi’n chwilio amdano. Roedd ein staff addysgu yn 2il yng Nghymru am Addysgu, Asesu ac Adborth a Chymorth Academaidd (ACF 2024) sy’n golygu y bydd y cymorth a’r adborth a gewch chi yn eich helpu chi i ddysgu a datblygu sgiliau academaidd cryf. Mae ein myfyrwyr wedi ein rhoi ni yn 1af yng Nghymru am Gyfleoedd Dysgu a Llais Myfyrwyr (ACF 2024) sy’n golygu bod ystod eang o gyfleoedd ar gael i wella eich astudiaethau a bod myfyrwyr yn chwarae rhan weithredol wrth lunio eu profiadau dysgu. Mae ein hymrwymiad i’ch dysgu chi wedi golygu bod ein myfyrwyr yn ein rhoi ni yn 1af yng Nghymru ac yn gydradd 3ydd yn y DU am foddhad myfyrwyr (Times Higher Education, 2024, mesur ‘Positifrwydd Cyffredinol’). Dysgwch ragor am ein staff academaidd sy’n addysgu ar draws ein cyrsiau.
tysteb
Gwybodaeth allweddol
-
Gradd anrhydedd 2:2 
-
neu gyfwerth a gydnabyddir gan PCYDDS.
Llwybrau mynediad amgen 
-
Tystysgrif Ôl-raddedig mewn Addysg Uwch (Tyst. Ôl-radd). Dyma ran gyntaf y radd Meistr lawn.
Unwaith y byddwch wedi cwblhau eich astudiaethau Tyst. Ôl-radd yn llwyddiannus, byddwch yn gymwys i symud ymlaen i weddill y radd Meistr. 
Mae’r rhain yn llwybrau delfrydol os ydych yn dychwelyd i astudio ar ôl seibiant, os nad ydych wedi astudio’r pwnc hwn o’r blaen, neu os na wnaethoch gyflawni’n raddau roeddech eu hangen i gael lle ar y radd hon. 
Cyngor a Chymorth Derbyn 
I gael cyngor a chymorth penodol, gallwch gysylltu â’n tîm ymholiadau i gael rhagor o wybodaeth am ofynion mynediad.
Gofynion Iaith Saesneg 
Os nad Saesneg yw eich iaith gyntaf, neu os nad ydych wedi astudio drwy gyfrwng y Saesneg o’r blaen, mae ein gofyniad arferol yn gyfwerth â sgôr o 6.0 y System Brofi Iaith Saesneg Rhyngwladol (Prawf Academaidd IELTS), heb gael llai na 5.5 ym mhob un o’r is-brofion. Rydym hefyd yn derbyn profion iaith Saesneg ±ð°ù²¹¾±±ô±ô. &²Ô²ú²õ±è;
Ewch i ymweld ag adran Ceisiadau Rhyngwladol ein gwefan i ddysgu rhagor am ein Gofynion Iaith Saesneg a Chyrsiau Iaith Saesneg ymlaen llaw.
Gofynion fisa ac ariannu
Os nad ydych o’r DU ac nid oes gennych breswyliad yma yn barod, efallai bydd angen i chi wneud cais am fisa. 
Ar gyfer cyrsiau sy’n fwy na chwe mis, bydd angen fisa myfyrwyr arnoch chi. 
Dylai myfyrwyr rhyngwladol sydd angen fisa Myfyriwr wneud cais am ein cyrsiau llawn amser gan eu bod yn gymwys ar gyfer nawdd fisa Myfyriwr.  
I gael yr holl wybodaeth, darllenwch y dudalen gwneud cais am fisa a chanllawiau. â¶Ä¯â¶Ä¯&²Ô²ú²õ±è;
Sylwch mai dim ond ar gyfer rhaglenni wyneb yn wyneb, ar gampws, heb elfennau astudio ar-lein y gall myfyrwyr sy’n derbyn Cymorth Ffederal yr Unol Daleithiau wneud cais. 
-
-
Mae modiwlau’n cael eu hasesu drwy gyfrwng gwaith cwrs. Mae sawl gwahanol fath o waith cwrs, gan gynnwys prosiectau sy’n seiliedig ar waith personol, prosiectau ymchwil byr, cyflwyniadau, dadansoddiad o astudiaethau achos a’r prosiect ymchwil / traethawd hir terfynol. Efallai y bydd myfyrwyr sydd ddim mewn cyflogaeth ar hyn o bryd yn gallu seilio eu prosiectau ar astudiaethau achos penodol.
-
Ni fydd unrhyw gostau ychwanegol gorfodol i astudio y tu hwnt i dalu am ffioedd dysgu. Dylai myfyrwyr fod yn barod i ysgwyddo’r costau sylfaenol sy’n gysylltiedig ag astudio, fel cludiant, ac efallai y byddan nhw am brynu coffi, byrbrydau neu eitemau amrywiol eraill ar y campws.
Mae llawer o fyfyrwyr hefyd yn dewis buddsoddi mewn offer fel gliniaduron i’w cynorthwyo gyda’u hastudiaethau, er nad yw hyn yn ofynnol ar gyfer y rhaglen. Bydd unrhyw weithgareddau sy’n ymwneud ag astudio neu fywyd myfyriwr sy’n dwyn cost y tu hwnt i gost ffioedd dysgu yn ddewisol, a bydd y gost yn cael ei chyfleu’n glir i fyfyrwyr wrth gofrestru.
-
Efallai eich bod yn gymwys i gael arian i helpu i gefnogi eich astudiaethau. I ddysgu am ysgoloriaethau, bwrsarïau a chyfleoedd ariannu eraill sydd ar gael, ewch i’n hadran Bwrsarïau ac Ysgoloriaethau.
-
Bydd cyflogadwyedd yn ddibynnol i raddau helaeth ar eich lleoliad rhyngwladol, diwydiant a strwythur gyrfa. Mae’r cyfleoedd a datblygiadau gyrfa posibl yn cynnwys swyddi rheoli mewn busnesau, rheoli adnoddau dynol a datblygu’r gweithlu rhyngwladol, cyd-destunau busnes rhyngwladol gan gynnwys entrepreneuriaeth busnes a datblygu rhanbarthol, addysg, datblygu’r gwasanaeth iechyd, y gwasanaethau cyhoeddus ac mewn meysydd eraill.