Profiad Rowan yn PCYDDS
Helo, Rowan ydw i! Rwy’n astudio Amgylchedd, Cynaliadwyedd a Newid Hinsawdd yn Abertawe. Rwy’n angerddol am gyfathrebu ac addysg amgylcheddol.
Enw: Rowan Jack Moses (rhagenw Nhw)
Cwrs: BSc Amgylchedd, Cynaliadwyedd a Newid Hinsawdd
Astudiaethau Blaenorol: Prentisiaeth Garddwriaeth yng Ngardd Fotaneg Genedlaethol Cymru a’r Gymdeithas Garddwriaeth Brenhinol
Tref eich cartref: Rhydaman, Sir Gâr
Profiad Rowan ar y BSc Amgylchedd, Cynaliadwyedd a Newid Hinsawdd
Beth yw eich hoff beth am gampws Abertawe?
Rwy’n astudio ar Gampws SA1 Glannau Abertawe, ac rwy’n dwlu ar ba mor agos yw e i’r môr. Rwyf wedi gweld morloi wrth gerdded i’r brifysgol, ac mae fy hoff sedd yn y llyfrgell yn rhoi golwg i mi o’r môr wrth i mi astudio!
Pam y gwnaethoch chi ddewis PCYDDS?
Roedd arna’i eisiau astudio yn ddigon agos i’m teulu i allu ymweld â nhw’n aml, gan fod gen i chwaer ifanc. Roedd hefyd arna’i eisiau prifysgol Cymraeg sy’n ymgysylltu â materion amgylcheddol yng Nghymru, gan fod y rhain yn cael eu hesgeuluso’n aml yng nghyd-destun ehangach y DU. Roedd prifysgol â chymorth da ar gyfer pobl anabl hefyd yn hanfodol, gan fy mod yn Awtistig ac mae gen i ADHD, ac roeddwn wedi clywed pethau da am ansawdd y cymorth sydd ar gael.
Beth ydych chi’n mwynhau ei wneud tu allan i’ch astudiaethau?
Rwy’n caru Abertawe! Rwy’n byw yma drwy’r flwyddyn gyda fy mhartner, ac rydym wedi darganfod bod y gymuned leol yn hyfryd. Mae lleoedd fel y Ganolfan Amgylcheddol yn dda iawn am gymryd rhan mewn gweithredoedd amgylcheddol lleol, ac mae gan fannau lleoliad fel Elysium ddigwyddiadau creadigol diddorol.
Beth ydych chi’n gobeithio gwneud pan fyddwch yn graddio?
Hoffwn weithio y mae cyfathrebu ac ymgysylltu amgylcheddol, yn ddelfrydol gan gynyddu mynediad i natur a mannau amgylcheddol a gwybodaeth ar gyfer grwpiau ar y cyrion fel pobl anabl a LHDTC+.
Beth yw eich hoff beth am BSc Amgylchedd, Cynaliadwyedd a Newid yn yr Hinsawdd?
Mae’r cwrs yn cwmpasu ystod eang iawn o bynciau, ac rwyf wedi’u mwynhau ac elwa ohonynt yn fawr. Ar yr un pryd, gallwch ffocysu’n rhwydd ar eich diddordebau penodol ar gyfer aseiniadau, gan ddefnyddio gwahanol lensys i archwilio eich diddordebau trwy gydol y cwrs. Mae llawer o gyfleoedd i gymryd rhan yn ymarferol, ac mae’r holl ddarlithwyr yn gefnogol iawn. Un o’m hoff deithiau yr aethom arnynt oedd mynd i weld tyrbinau gwynt oedd heb eu codi eto. Roedd yn wych eu gweld yn agos, a pha mor fawr ydynt!
A fyddech chi’n argymell PCYDDS a pham?
A minnau’n anabl, mae’r campws a dosbarthiadau llai yn ei wneud yn bosibl i mi fynychu’r brifysgol. Mae’n bersonol iawn, mae pobl yn eich adnabod chi a’r hyn rydych chi’n ei wneud, ac nid dim ond wyneb mewn torf ydych chi.
