Busnes Rhyngwladol (Llawn amser) (MBA)
Mewn ymateb i’r galw o fyd diwydiant, mae’r MBA hwn yn cyfuno astudiaeth sylfaenol o’r pynciau busnes craidd gan amlygu arbenigedd mewn busnes rhyngwladol.
Manylion y cwrs
- Ar y campws
- Llawn amser
- Saesneg
Pam dewis y cwrs hwn
Beth fyddwch chi'n ei ddysgu
Mae’r rhaglen hon ar gael i ymgeiswyr Cartref ac ymgeiswyr Rhyngwladol.
Mae’r rhaglen yn cwmpasu ystod eang o fodiwlau busnes a rheolaeth gyffredinol. Cewch eich annog i ddefnyddio’r cysyniadau rydych chi wedi’u dysgu mewn achosion ymarferol, a hynny er mwyn gwneud defnydd effeithiol o’r fethodoleg ddamcaniaethol.
Mae’r modiwlau wedi’u cynllunio i ddatblygu eich gallu a’ch galluogi i reoli ac arwain sefydliadau yn effeithiol.
Ar ôl ymdrin â’r cwricwlwm cyffredinol yn y pedwar modiwl cyntaf, bydd y cwrs yn canolbwyntio ar yr amgylchedd busnes rhyngwladol ac ar farchnata mewn cyd-destun byd-eang.
Mae modd addasu’r modiwl olaf i weddu i’ch amgylchiadau a’ch diddordebau proffesiynol chi. Bydd cyfle i chi ddefnyddio eich profiad o fyd gwaith yn ogystal ag ymchwil academaidd.
Ar ôl cwblhau’r rhaglen hon, mae croeso i fyfyrwyr barhau i astudio gyda ni trwy ymuno â’r rhaglen Doethuriaeth mewn Gweinyddu Busnes.
*Sylwch: Gallai’r Brifysgol ofyn i chi ddewis llwybr arall o ganlyniad i ystyriaethau maint y garfan.
Compulsory
- Traethawd Hir, NEU Astudiaeth Achos Integredig, NEU Gynnig Datblygiad Busnes (60 credydau)
(20 credydau)
(20 credydau)
(20 credydau)
(20 Credydau)
Disclaimer
-
Rydym yn gwrando ar adborth gan fyfyrwyr a mewnwelediadau gan ddiwydiant a gweithwyr proffesiynol i sicrhau bod cynnwys ein cyrsiau o safon uchel ac yn ddiweddar, a’i fod yn cynnig y paratoad gorau posib ar gyfer eich gyrfa yn y dyfodol neu’ch nodau astudio.
Oherwydd hyn, efallai y bydd newidiadau i gynnwys eich cwrs dros amser er mwyn cadw’n gyfoes yn y maes pwnc neu’r sector. Os na fydd modwl yn cael ei gynnig bellach, gwnawn yn siŵr y byddwn yn eich hysbysu, ac yn gweithio gyda chi i ddewis modwl addas arall.
Staff
Staff
Cewch chi eich dysgu a’ch cefnogi gan ystod eang o staff a thimau proffesiynol yma i’ch helpu i gael y profiad prifysgol rydych chi’n chwilio amdano. Roedd ein staff addysgu yn 2il yng Nghymru am Addysgu, Asesu ac Adborth a Chymorth Academaidd (ACF 2024) sy’n golygu y bydd y cymorth a’r adborth a gewch chi yn eich helpu chi i ddysgu a datblygu sgiliau academaidd cryf. Mae ein myfyrwyr wedi ein rhoi ni yn 1af yng Nghymru am Gyfleoedd Dysgu a Llais Myfyrwyr (ACF 2024) sy’n golygu bod ystod eang o gyfleoedd ar gael i wella eich astudiaethau a bod myfyrwyr yn chwarae rhan weithredol wrth lunio eu profiadau dysgu. Mae ein hymrwymiad i’ch dysgu chi wedi golygu bod ein myfyrwyr yn ein rhoi ni yn 1af yng Nghymru ac yn gydradd 3ydd yn y DU am foddhad myfyrwyr (Times Higher Education, 2024, mesur ‘Positifrwydd Cyffredinol’). Dysgwch ragor am ein staff academaidd sy’n addysgu ar draws ein cyrsiau.
tysteb
Llety
Gwybodaeth allweddol
-
Meini Prawf ar gyfer Mynediad
Mae’r rhaglen hon ar gael i ymgeiswyr Cartref ac ymgeiswyr Rhyngwladol.
Ymgeiswyr Cartref:
Fel arfer, meddu ar o leiaf gradd 2:2 yn y DU neu gymhwyster rhyngwladol cyfatebol a gydnabyddir gan UK ENIC neu brofiad gwaith o bum mlynedd ar lefel rheolaeth uwch yn lle gradd.
Ymgeiswyr Rhyngwladol:
Fel arfer, meddu ar o leiaf gradd 2:2 yn y DU neu gymhwyster rhyngwladol cyfatebol a gydnabyddir gan UK ENIC neu brofiad gwaith o bum mlynedd ar lefel rheolaeth uwch yn lle gradd.
Fel arfer, hyfedredd Saesneg gyda sgôr IELTS cyfartalog o 6.0 neu’n uwch (neu gyfwerth mewn unrhyw brawf cymeradwy arall), heb sgôr o lai na 5.5 mewn unrhyw ran o’r prawf.
-
Mae modiwlau’n cael eu hasesu drwy gyfrwng gwaith cwrs. Mae sawl gwahanol fath o waith cwrs, gan gynnwys prosiectau sy’n seiliedig ar waith personol, prosiectau ymchwil byr, cyflwyniadau, dadansoddiad o astudiaethau achos a’r prosiect ymchwil / traethawd hir terfynol. Efallai y bydd myfyrwyr sydd ddim mewn cyflogaeth ar hyn o bryd yn gallu seilio eu prosiectau ar astudiaethau achos penodol.
-
Ni fydd unrhyw gostau ychwanegol gorfodol i astudio y tu hwnt i dalu am ffioedd dysgu. Dylai myfyrwyr fod yn barod i ysgwyddo’r costau sylfaenol sy’n gysylltiedig ag astudio, fel cludiant, ac efallai y byddan nhw am brynu coffi, byrbrydau neu eitemau amrywiol eraill ar y campws.
Mae llawer o fyfyrwyr hefyd yn dewis buddsoddi mewn offer fel gliniaduron i’w cynorthwyo gyda’u hastudiaethau, er nad yw hyn yn ofynnol ar gyfer y rhaglen. Bydd unrhyw weithgareddau sy’n ymwneud ag astudio neu fywyd myfyriwr sy’n dwyn cost y tu hwnt i gost ffioedd dysgu yn ddewisol, a bydd y gost yn cael ei chyfleu’n glir i fyfyrwyr wrth gofrestru.
-
Efallai eich bod yn gymwys i gael arian i helpu i gefnogi eich astudiaethau. I ddysgu am ysgoloriaethau, bwrsarïau a chyfleoedd ariannu eraill sydd ar gael, ewch i’n hadran Bwrsarïau ac Ysgoloriaethau.
-
Bydd cyflogadwyedd yn ddibynnol i raddau helaeth ar eich lleoliad rhyngwladol, diwydiant a strwythur gyrfa. Mae’r cyfleoedd a datblygiadau gyrfa posibl yn cynnwys swyddi rheoli mewn busnesau, rheoli adnoddau dynol a datblygu’r gweithlu rhyngwladol, cyd-destunau busnes rhyngwladol gan gynnwys entrepreneuriaeth busnes a datblygu rhanbarthol, addysg, datblygu’r gwasanaeth iechyd, y gwasanaethau cyhoeddus ac mewn meysydd eraill.