Pam dewis Y Drindod Dewi Sant?
Beth sy'n gwneud Prifysgol Cymru Y Drindod Dewi Sant yn unigryw?
Dechreuwch ar eich antur drwy astudio ar gyfer gradd israddedig yn PCYDDS. Byddwch yn ymgolli mewn pwnc sy’n eich ysbrydoli – gan archwilio gwahanol lwybrau gyrfa ac opsiynau ar gyfer eich dyfodol wrth i chi fynd yn eich blaen. Beth bynnag fo’ch uchelgeisiau, byddwn ni’n eich helpu chi i fwrw ati’n syth er mwyn i chi geisio cyrraedd eich nod.
links
Dewis o blith cannoedd o gyrsiau
Gyda chyrsiau gradd mewn celf a dylunio, peirianneg, cyfrifiadura, y dyniaethau, addysg, busnes, rheolaeth, iechyd a chwaraeon, mae gennym gannoedd o opsiynau i ddewis ohonynt. Archwiliwch fodiwlau dewisol ar rai o’n cyrsiau gradd sy’n eich galluogi i deilwra’ch cwrs i’ch diddordebau.
Dysgu mewn dosbarthiadau lle mae eich llais yn cael ei glywed
Cewch deimlo’n hyderus ac yn gyfforddus wrth ofyn cwestiynau a chymryd rhan mewn trafodaethau. Mae ein dosbarthiadau’n cael eu cadw’n fach o ran maint, er mwyn rhoi’r sylw a’r gefnogaeth sydd eu hangen arnoch oddi wrth ein tiwtoriaid arbenigol – gan wneud yn siŵr eich bod wir yn deall eich pwnc ac yn cael y gorau o’ch astudiaethau gradd.
Sicrhau’r Cymorth sydd ei angen arnoch i Ffynnu
Eich lles chi sydd bwysicaf. P’un ai a ydych chi’n cael trafferth gyda’ch llwyth gwaith, yn ei chael hi’n anodd setlo, neu’n mynd trwy gyfnod anodd, mae ein tîm o staff cymorth cyfeillgar wrth law i roi cymorth ac arweiniad i chi yn ystod eich astudiaethau gradd.
Dod yn Fyfyriwr Graddedig sy’n Hawdd ei Gyflogi
Beth yw eich swydd ddelfrydol? Yn PCYDDS, byddwn yn eich helpu i gyrraedd y nod. O ysgrifennu CV ac ymarfer ar gyfer cyfweliadau i sicrhau’r interniaeth berffaith, fe ddewch o hyd i’r llwybr sy’n addas i chi gyda chefnogaeth ein Cynghorwyr Gyrfa profiadol.
Lleoliadau a Chyfleusterau Anhygoel
Gyda lleoliadau yn Abertawe, Caerfyrddin, Llambed, Caerdydd, Llundain a Birmingham, fe ddewch o hyd i’ch cartref oddi cartref yn PCYDDS. Dewch i ddarganfod ystafelloedd seminar ac ystafelloedd cyfrifiaduron hynod fodern, a mannau cydweithio newydd sbon – yn ogystal â chyfleusterau eraill anhygoel fel theatrau ar y campws, stiwdios i artistiaid, gweithdai arbenigol, campfeydd a neuaddau chwaraeon sydd ag offer newydd sbon, ardaloedd ymchwil, a llawer mwy.
Mae ein cyrsiau hefyd yn cyrraedd safle uchel
Ymwelwch  Ni Ar Gyfer Diwrnod Agored
Dewch i’n hadnabod ni, a’r lle y byddwch yn ei alw’n gartref tra byddwch yn astudio gyda ni, a chwrdd â’r arbenigwyr sy’n arwain ein cyrsiau a chlywed gan ein myfyrwyr presennol ynglŷn â’r hyn maen nhw’n ei garu am astudio gyda ni.
Gwybodaeth Gysylltiedig
Sgwrsiwch gyda'n Myfyrwyr
P'un ai a ydych chi'n bwriadu astudio ar gyfer gradd baglor, meistr neu ddoethuriaeth, rydyn ni yma i'ch helpu chi i wneud y broses ymgeisio mor rhwydd â phosib
Rydym yn deall nad breuddwyd yn unig yw dilyn trywydd addysg uwch, ond buddsoddiad sylweddol yn eich dyfodol. Rydym nid yn unig wedi ymrwymo i ddarparu addysg wych i chi, ond profiad prifysgol gwych hefyd.
