Athroniaeth a Chrefydd (Rhan amser) (MA)
Mae’r MA Athroniaeth a Chrefydd yn rhaglen ran-amser, dysgu o bell sydd wedi’i chynllunio ar gyfer unigolion sy’n ceisio archwilio cwestiynau dwys am fodolaeth, ystyr a chred. Dros bedair blynedd, byddwch yn ymgysylltu â thraddodiadau amrywiol, o athroniaethau Dwyreiniol fel Bwdhaeth a Hindŵaeth i safbwyntiau Gorllewinol fel athroniaeth Roegaidd a diwinyddiaeth Gristnogol.
Mae’r rhaglen hon yn darparu archwiliad cyfoethog o bynciau fel natur yr hunan, realiti, a phrofiad crefyddol. Byddwch yn dadansoddi sut mae gwahanol ddiwylliannau yn ymdrin â chyfyng-gyngor moesegol, ysbrydolrwydd, a chwilio am ddoethineb, gan gael mewnwelediad beirniadol i’r cysylltiadau rhwng athroniaeth, crefydd, a materion byd-eang cyfoes.
Yn allweddol i’r cwrs hwn mae datblygu sgiliau dehongli trwy hermeniwteg, gan eich galluogi i archwilio testunau, syniadau a’u cyd-destunau diwylliannol yn feirniadol. Trwy astudio’r cydadwaith rhwng meddwl crefyddol ac athronyddol, byddwch yn dyfnhau eich dealltwriaeth o sut mae’r syniadau hyn yn dylanwadu ar ymddygiad, diwylliant a chymdeithas.
Wedi’i chynllunio ar gyfer newydd-ddyfodiaid a’r rhai sydd â gwybodaeth flaenorol, mae’r rhaglen yn eich gwahodd i adfyfyrio ar sut y gall traddodiadau doethineb gynnig mewnwelediadau gwerthfawr i heriau modern. Erbyn diwedd y cwrs, bydd gennych bersbectif byd-eang ar athroniaeth a chrefydd.
Manylion y cwrs
- Dysgu o bell
- Rhan amser
- Saesneg
Pam dewis y cwrs hwn
Beth fyddwch chi'n ei ddysgu
Mae ein MA Athroniaeth a Chrefydd yn rhaglen hyblyg, dysgu o bell a ddarperir ar-lein. Gan gyfuno astudiaeth academaidd gyda thiwtorialau un-i-un a fforymau trafod rhyngweithiol, mae’r cwrs yn meithrin meddwl beirniadol, persbectif byd-eang, a thwf personol. Mae’r strwythur rhan-amser, pedair blynedd hwn yn darparu archwiliad trochol o draddodiadau athronyddol a chrefyddol amrywiol, gan gynnig rhyddid i chi astudio ar eich cyflymder eich hun tra’n ymgysylltu’n ddwfn â syniadau cymhleth.
Blynyddoedd 1 a 2
Yn ystod y ddwy flynedd gyntaf, byddwch yn cwblhau modwl gorfodol a detholiad o dri modwl dewisol, gan ennill 120 credyd. Mae’r modylau hyn yn ymdrin â phynciau megis athronwyr dylanwadol, athroniaeth amgylcheddol, rhyngweithio rhyng-ffydd, a natur yr hunan. Byddwch yn meithrin sgiliau dadansoddi, yn cymryd rhan mewn dadleuon cyfoes, ac yn dyfnhau eich dealltwriaeth o’r cysylltiadau rhwng safbwyntiau athronyddol a chrefyddol byd-eang.
Blynyddoedd 3 a 4 (Traethawd Hir)
Yn ail ran y cwrs, byddwch yn ymgymryd â thraethawd hir, sy’n eich galluogi i ganolbwyntio ar bwnc o’ch dewis. Gyda chefnogaeth tiwtoriaid arbenigol, bydd y prosiect ymchwil annibynnol hwn yn mireinio eich sgiliau mewn ymholi beirniadol ac ysgrifennu academaidd, gan ganolbwyntio ar faes pwnc o’ch diddordeb.
Gorfodol
Dewisol
(30 credydau)
Disclaimer
-
Mae’r modylau a amlinellir uchod yn enghreifftiau o’r hyn y gallwch ddisgwyl ei ddysgu ar y cwrs hwn yn seiliedig ar addysgu academaidd diweddar. Rydym yn adolygu ein cyrsiau yn barhaus i sicrhau bod yr ansawdd yn cael ei wella ac er mwyn rheoli ein hadnoddau. Gall yr union fodylau sydd ar gael i chi yn y dyfodol amrywio yn amodol ar argaeledd a diddordebau ymchwil staff, pynciau astudio newydd, amserlennu a galw myfyrwyr. Os yw eich cwrs yn cynnwys modylau dewisol, diben rhain yw darparu elfen o ddewis o fewn y cwrs. Gall argaeledd modylau dewisol amrywio o flwyddyn i flwyddyn a byddant yn amodol ar gyflawni isafswm niferoedd myfyrwyr. Golyga hyn na ellir gwarantu argaeledd modylau dewisol penodol.
Fel arfer, byddwch yn cwblhau 120 credyd y flwyddyn astudio ar gwrs llawn amser. I gael rhagor o wybodaeth ewch i’n Cytundeb Myfyrwyr.
Staff
Staff
Cewch chi eich dysgu a’ch cefnogi gan ystod eang o staff a thimau proffesiynol yma i’ch helpu i gael y profiad prifysgol rydych chi’n chwilio amdano. Roedd ein staff addysgu yn 2il yng Nghymru am Addysgu, Asesu ac Adborth a Chymorth Academaidd (ACF 2024) sy’n golygu y bydd y cymorth a’r adborth a gewch chi yn eich helpu chi i ddysgu a datblygu sgiliau academaidd cryf. Mae ein myfyrwyr wedi ein rhoi ni yn 1af yng Nghymru am Gyfleoedd Dysgu a Llais Myfyrwyr (ACF 2024) sy’n golygu bod ystod eang o gyfleoedd ar gael i wella eich astudiaethau a bod myfyrwyr yn chwarae rhan weithredol wrth lunio eu profiadau dysgu. Mae ein hymrwymiad i’ch dysgu chi wedi golygu bod ein myfyrwyr yn ein rhoi ni yn 1af yng Nghymru ac yn gydradd 3ydd yn y DU am foddhad myfyrwyr (Times Higher Education, 2024, mesur ‘Positifrwydd Cyffredinol’). Dysgwch ragor am ein staff academaidd sy’n addysgu ar draws ein cyrsiau.
tysteb
Gwybodaeth allweddol
-
Gradd anrhydedd (2:1 neu uwch) mewn disgyblaeth berthnasol neu gymhwyster proffesiynol cyfatebol a phriodol neu brofiad proffesiynol sylweddol a pherthnasol.
-
Mae nifer o wahanol feysydd damcaniaethol ac ymarferol yn sail i’r dysgu ar y cwrs Athroniaeth a Chrefydd (MA), gan gynnwys theori astudiaethau rhyng-ffydd a pherthynas rhyng-grefyddol, cyd-destunau daearyddol penodol, a themâu a safbwyntiau hanesyddol. Caiff hyn ei gyflawni trwy gyfuniad o asesiadau addysgu, gan gynnwys traethawd hir terfynol sy’n canolbwyntio ar bwnc o’ch dewis chi.
-
Dylai fod gan ddysgwyr o bell fynediad da i’r rhyngrwyd a defnydd o gyfleusterau cyfrifiadurol.
-
Efallai eich bod yn gymwys i gael arian i helpu i gefnogi eich astudiaethau. I ddysgu am ysgoloriaethau, bwrsarïau a chyfleoedd ariannu eraill sydd ar gael, ewch i’n hadran Bwrsarïau ac Ysgoloriaethau.
-
Bydd y rhaglen yn helpu myfyrwyr i ddatblygu sgiliau sy’n werthfawr i ystod eang o gyflogwyr, fel y gallu i:
- ddadansoddi gwybodaeth gymhleth mewn modd beirniadol;
- cyflwyno dadleuon clir a chydlynol;
- cyflwyno gwybodaeth gymhleth mewn modd eglur.
Yn fwy penodol, bydd y rhaglen yn denu myfyrwyr sydd am fanteisio ar gyfleoedd cyflogaeth yn y dyfodol, neu sydd eisoes mewn gwaith, mewn meysydd neu sectorau lle bydd dealltwriaeth o faterion rhyng-ffydd o fudd.
Bydd hefyd yn apelio at fyfyrwyr sy’n paratoi ar gyfer gwasanaeth crefyddol a/neu ddefosiynol, bywyd o wasanaeth cyhoeddus, ac amrywiol brosiectau gwirfoddol.