Athroniaeth a Chrefydd (Llawn amser) (MA)
Mae’r rhaglen MA Athroniaeth a Chrefydd yn gwrs dysgu o bell sydd wedi’i gynllunio ar gyfer myfyrwyr sy’n awyddus i archwilio cwestiynau sylfaenol am fywyd a bodolaeth. Os oes gennych ddiddordeb mewn astudio syniadau mawr o draddodiadau’r Dwyrain a’r Gorllewin, mae’r cwrs hwn yn cynnig y cyfle perffaith. Byddwch yn archwilio pynciau allweddol fel natur yr hunan, realiti, a phrofiadau crefyddol, wrth ddysgu am wahanol safbwyntiau athronyddol a chrefyddol.
Drwy gydol y cwrs, byddwch yn edrych ar sut mae traddodiadau’r Dwyrain a’r Gorllewin wedi ceisio ateb cwestiynau pwysicaf bywyd. Trwy astudio traddodiadau’r Dwyrain fel Bwdhaeth a Hindŵaeth, a thraddodiadau’r Gorllewin megis athroniaeth Roegaidd neu feddwl Cristnogol, byddwch yn gweld sut mae gwahanol ddiwylliannau a systemau cred yn deall syniadau am yr hunan, realiti, a’r byd o’n cwmpas. Mae’r traddodiadau hyn wedi siapio meddwl dynol ers canrifoedd, a thrwy eu hastudio, byddwch yn ennill dealltwriaeth feirniadol o sut mae syniadau am athroniaeth, crefydd a diwinyddiaeth yn cysylltu â materion yn y byd go iawn.
Mae’r cwrs yn eich galluogi i ymgysylltu â safbwyntiau athronyddol a safbwyntiau crefyddol sy’n herio ac yn ehangu eich meddwl. Byddwch yn edrych ar bynciau fel ysbrydolrwydd, moeseg, a’r ffyrdd y mae gwahanol ddiwylliannau yn deall ystyr bywyd a bodolaeth. Byddwch hefyd yn astudio’r cysyniad o brofiadau crefyddol, gan ddysgu sut y cânt eu disgrifio, eu dehongli a’u deall ar draws gwahanol systemau cred.
Yn ogystal ag archwilio’r syniadau eu hunain, byddwch yn datblygu sgiliau mewn hermeniwteg—yr astudiaeth o sut i ddehongli testunau a syniadau. Bydd hyn yn eich helpu i ddeall pynciau cymhleth yn well a meddwl yn feirniadol am sut mae syniadau crefyddol ac athronyddol yn dylanwadu ar ddiwylliant a chymdeithas. Wrth i chi astudio, byddwch hefyd yn archwilio’r syniad o draddodiadau doethineb, gan weld sut mae’r athroniaethau a’r crefyddau allweddol hyn yn helpu i arwain ymddygiad a meddwl dynol.
Mae’r rhaglen hon yn berffaith i’r rhai sydd eisiau dysgu am draddodiadau byd-eang a sut maent yn llunio’r ffordd rydym yn gweld bywyd, ysbrydolrwydd a realiti. P’un a ydych yn newydd i athroniaeth a chrefydd, neu eisoes wedi eu hastudio mewn rhyw ddyfnder, bydd y cwrs hwn yn eich helpu i gael dealltwriaeth ddyfnach o’r syniadau allweddol sydd wedi dylanwadu ar feddwl dynol ers canrifoedd.
Erbyn diwedd y rhaglen, byddwch yn gallu meddwl yn fwy beirniadol am athroniaeth, a chrefydd, o safbwynt byd-eang, gan ddeall sut mae traddodiadau gwahanol wedi llunio syniadau am fywyd, yr hunan a’r byd o’n cwmpas.
Manylion y cwrs
- Dysgu o bell
- Llawn amser
- Saesneg
Pam dewis y cwrs hwn
Beth fyddwch chi'n ei ddysgu
Mae ein cwrs Athroniaeth a Chrefydd yn pwysleisio dull hyblyg o ddysgu sy’n canolbwyntio ar fyfyrwyr. Wedi’i gyflwyno ar-lein, mae’n cyfuno astudiaeth academaidd drylwyr gyda thiwtorialau un-i-un a fforymau trafod diddorol. Mae’r rhaglen yn meithrin meddwl beirniadol, safbwyntiau byd-eang, a thwf personol, gan gynnig taith drochol drwy syniadau athronyddol a chrefyddol amrywiol.
Blwyddyn 1
Yn y flwyddyn gyntaf, byddwch yn archwilio cysyniadau sylfaenol trwy un modwl gorfodol a detholiad o dri modwl dewisol, sy’n dod i gyfanswm o 120 credyd. Mae’r modylau’n amrywio o waith athronwyr dylanwadol i athroniaeth amgylcheddol, a rhyngweithio rhyng-ffydd. Byddwch yn datblygu sgiliau dadansoddi, yn ymgysylltu â dadleuon cyfoes, ac yn dyfnhau eich dealltwriaeth o feddwl athronyddol a chrefyddol byd-eang.
Blwyddyn 2 (Traethawd Hir)
Yn yr ail flwyddyn, byddwch yn canolbwyntio ar draethawd hir, gan eich galluogi i arbenigo mewn pwnc o’ch dewis. Wedi’i arwain gan diwtoriaid arbenigol, mae’r prosiect ymchwil mawr hwn yn eich annog i gymhwyso’ch sgiliau mewn ymholi beirniadol, astudio annibynnol, ac ysgrifennu academaidd, gan syntheseiddio’ch dysgu o’r modylau a addysgir.
Gorfodol
Dewisol
(30 credydau)
Disclaimer
-
Mae’r modylau a amlinellir uchod yn enghreifftiau o’r hyn y gallwch ddisgwyl ei ddysgu ar y cwrs hwn yn seiliedig ar addysgu academaidd diweddar. Rydym yn adolygu ein cyrsiau yn barhaus i sicrhau bod yr ansawdd yn cael ei wella ac er mwyn rheoli ein hadnoddau. Gall yr union fodylau sydd ar gael i chi yn y dyfodol amrywio yn amodol ar argaeledd a diddordebau ymchwil staff, pynciau astudio newydd, amserlennu a galw myfyrwyr. Os yw eich cwrs yn cynnwys modylau dewisol, diben rhain yw darparu elfen o ddewis o fewn y cwrs. Gall argaeledd modylau dewisol amrywio o flwyddyn i flwyddyn a byddant yn amodol ar gyflawni isafswm niferoedd myfyrwyr. Golyga hyn na ellir gwarantu argaeledd modylau dewisol penodol.
Fel arfer, byddwch yn cwblhau 120 credyd y flwyddyn astudio ar gwrs llawn amser. I gael rhagor o wybodaeth ewch i’n Cytundeb Myfyrwyr.
Staff
Staff
Cewch chi eich dysgu a’ch cefnogi gan ystod eang o staff a thimau proffesiynol yma i’ch helpu i gael y profiad prifysgol rydych chi’n chwilio amdano. Roedd ein staff addysgu yn 2il yng Nghymru am Addysgu, Asesu ac Adborth a Chymorth Academaidd (ACF 2024) sy’n golygu y bydd y cymorth a’r adborth a gewch chi yn eich helpu chi i ddysgu a datblygu sgiliau academaidd cryf. Mae ein myfyrwyr wedi ein rhoi ni yn 1af yng Nghymru am Gyfleoedd Dysgu a Llais Myfyrwyr (ACF 2024) sy’n golygu bod ystod eang o gyfleoedd ar gael i wella eich astudiaethau a bod myfyrwyr yn chwarae rhan weithredol wrth lunio eu profiadau dysgu. Mae ein hymrwymiad i’ch dysgu chi wedi golygu bod ein myfyrwyr yn ein rhoi ni yn 1af yng Nghymru ac yn gydradd 3ydd yn y DU am foddhad myfyrwyr (Times Higher Education, 2024, mesur ‘Positifrwydd Cyffredinol’). Dysgwch ragor am ein staff academaidd sy’n addysgu ar draws ein cyrsiau.
tysteb
Gwybodaeth allweddol
-
Gradd anrhydedd (2:1 neu uwch) mewn disgyblaeth berthnasol neu gymhwyster proffesiynol cyfatebol a phriodol neu brofiad proffesiynol sylweddol a pherthnasol.
-
Mae nifer o wahanol feysydd damcaniaethol ac ymarferol yn sail i’r dysgu ar y cwrs Athroniaeth a Chrefydd (MA), gan gynnwys theori astudiaethau rhyng-ffydd a pherthynas rhyng-grefyddol, cyd-destunau daearyddol penodol, a themâu a safbwyntiau hanesyddol. Caiff hyn ei gyflawni trwy gyfuniad o asesiadau addysgu, gan gynnwys traethawd hir terfynol sy’n canolbwyntio ar bwnc o’ch dewis chi.
-
Dylai fod gan ddysgwyr o bell fynediad da i’r rhyngrwyd a defnydd o gyfleusterau cyfrifiadurol.
-
Efallai eich bod yn gymwys i gael arian i helpu i gefnogi eich astudiaethau. I ddysgu am ysgoloriaethau, bwrsarïau a chyfleoedd ariannu eraill sydd ar gael, ewch i’n hadran Bwrsarïau ac Ysgoloriaethau.
-
Bydd y rhaglen yn helpu myfyrwyr i ddatblygu sgiliau sy’n werthfawr i ystod eang o gyflogwyr, fel y gallu i:
- ddadansoddi gwybodaeth gymhleth mewn modd beirniadol;
- cyflwyno dadleuon clir a chydlynol;
- cyflwyno gwybodaeth gymhleth mewn modd eglur.
Yn fwy penodol, bydd y rhaglen yn denu myfyrwyr sydd am fanteisio ar gyfleoedd cyflogaeth yn y dyfodol, neu sydd eisoes mewn gwaith, mewn meysydd neu sectorau lle bydd dealltwriaeth o faterion rhyng-ffydd o fudd.
Bydd hefyd yn apelio at fyfyrwyr sy’n paratoi ar gyfer gwasanaeth crefyddol a/neu ddefosiynol, bywyd o wasanaeth cyhoeddus, ac amrywiol brosiectau gwirfoddol.