Astudiaethau Addysg (MA)
Mae ein MA Astudiaethau Addysg yn gwrs i unrhyw un sydd â diddordeb ym maes addysg a’i effaith ar unigolion a chymdeithas. Trwy’r radd ôl-raddedig hon, byddwch yn dyfnhau eich ymwybyddiaeth feirniadol o faterion addysgol, gan edrych yn ofalus ar yr heriau a’r posibiliadau sy’n diffinio amgylcheddau dysgu heddiw.
Mae’r cwrs yn darparu sylfaen gadarn mewn sgiliau academaidd ac ymchwil, gan gynnig cipolwg i chi ar theori ac ymchwil addysgol. Byddwch hefyd yn datblygu gwybodaeth bynciol bwysig, gan eich paratoi i archwilio’n feirniadol a chymhwyso syniadau mewn ymarfer addysgol. Mae datblygu eich sgiliau gwerthuso myfyriol a beirniadol yn rhan allweddol o’r rhaglen, gan eich annog i archwilio pynciau cymhleth a mynd i’r afael â chwestiynau sy’n effeithio ar addysg.
Mae’r cwrs hefyd yn edrych ar gyd-destunau ehangach addysg, gan archwilio sut mae dysgu’n ymwneud â chymdeithas ar raddfa leol a byd-eang. Gan ganolbwyntio ar safbwyntiau rhyngwladol, mae’r radd MA hon yn eich annog i ystyried sut mae addysg yn gweithio mewn gwahanol ddiwylliannau ac ar draws cymunedau amrywiol, a all eich helpu i weld y darlun ehangach a meddwl y tu hwnt i ffiniau traddodiadol.
Ar ôl cwblhau’r radd MA hon, bydd gennych afael gref ar theori ac ymarfer addysgol, yn ogystal â’r sgiliau i lunio addysg trwy feddwl beirniadol a safbwyntiau gwybodus. Bydd y radd hon yn eich paratoi ar gyfer rolau mewn polisi, ymchwil a’r tu hwnt, gan eich helpu i gael effaith wirioneddol ym maes addysg.
Gallwch ddilyn y cwrs hwn yn Abertawe neu fel cymhwyster ar-lein, gan eich galluogi i ddysgu o unrhyw le, p’un ai yn y DU neu’n rhyngwladol. Mae’r hyblygrwydd hwn yn golygu y gallwch gydbwyso eich astudiaethau ag ymrwymiadau eraill, gan ennill gradd sy’n cyd-fynd â’ch amserlen.
Manylion y cwrs
- Ar y campws
- Llawn amser
- Saesneg
Pam dewis y cwrs hwn
Beth fyddwch chi'n ei ddysgu
Ym Mhrifysgol Cymru Y Drindod Dewi Sant, mae ein rhaglen Astudiaethau Addysg wedi’i chynllunio i feithrin meddylwyr annibynnol, beirniadol sy’n barod i ymgysylltu a gweithredu fel asiantau newid. Rydym yn pwysleisio amgylchedd dysgu cefnogol a chynhwysol, gan annog myfyrwyr i archwilio safbwyntiau amrywiol a datblygu dealltwriaeth ddofn o faterion addysgol.
Y Semester Cyntaf: Yn y semester cyntaf, byddwch yn archwilio sylfeini addysg trwy fodylau megis “Cyflwyniad i Astudiaeth Meistr,” “Trawsnewid Addysg: Newid Effeithiol mewn Arweinyddiaeth a Rheolaeth,” a “Dinasyddiaeth Fyd-eang a Chynaliadwyedd.” Mae’r cyfnod hwn yn canolbwyntio ar ddeall agweddau hanesyddol, athronyddol, seicolegol a chymdeithasegol addysg, gan ddarparu trosolwg cynhwysfawr o sut mae dysgu’n cael ei drefnu a’i ddylanwadu.
Yr Ail semester: Mae’r ail semester yn ymchwilio i addysg gynhwysol a sgiliau ymarferol gyda modylau megis “Egwyddorion Addysgeg, Addysgu a Dysgu” ac “Athroniaeth ac Ymarfer Ymchwil Gymdeithasol.” Byddwch yn ymgysylltu â dulliau creadigol o addysgu a dysgu, gan archwilio materion cyfoes fel cydraddoldeb, amrywiaeth a chynhwysiant. Mae’r cyfnod hwn yn pwysleisio cymhwyso theori i ymarfer, gan eich paratoi i gefnogi dysgwyr amrywiol yn effeithiol.
Y Semester Olaf: Yn y semester olaf, byddwch yn ymgymryd â phrosiect annibynnol trwy’r modwl “Traethawd Hir: Plentyndod, Ieuenctid ac Addysg,” sy’n eich galluogi i ymchwilio i bwnc sydd o ddiddordeb dwfn i chi. Nod y cyfnod hwn yw atgyfnerthu eich gwybodaeth a’ch sgiliau, gan eich paratoi ar gyfer amrywiaeth o yrfaoedd addysgol.
Gorfodol
(20 credydau)
(20 credydau)
(20 credydau)
(30 credydau)
(30 credydau)
(60 credydau)
Ymwrthodiad
-
Mae’r modylau a amlinellir uchod yn enghreifftiau o’r hyn y gallwch ddisgwyl ei ddysgu ar y cwrs hwn yn seiliedig ar addysgu academaidd diweddar. Rydym yn adolygu ein cyrsiau yn barhaus i sicrhau bod yr ansawdd yn cael ei wella ac er mwyn rheoli ein hadnoddau. Gall yr union fodylau sydd ar gael i chi yn y dyfodol amrywio yn amodol ar argaeledd a diddordebau ymchwil staff, pynciau astudio newydd, amserlennu a galw myfyrwyr. Os yw eich cwrs yn cynnwys modylau dewisol, diben rhain yw darparu elfen o ddewis o fewn y cwrs. Gall argaeledd modylau dewisol amrywio o flwyddyn i flwyddyn a byddant yn amodol ar gyflawni isafswm niferoedd myfyrwyr. Golyga hyn na ellir gwarantu argaeledd modylau dewisol penodol.
Fel arfer, byddwch yn cwblhau 120 credyd y flwyddyn astudio ar gwrs llawn amser. I gael rhagor o wybodaeth ewch i’n Cytundeb Myfyrwyr.
tysteb
Staff
Staff
Cewch chi eich dysgu a’ch cefnogi gan ystod eang o staff a thimau proffesiynol yma i’ch helpu i gael y profiad prifysgol rydych chi’n chwilio amdano. Roedd ein staff addysgu yn 2il yng Nghymru am Addysgu, Asesu ac Adborth a Chymorth Academaidd (ACF 2024) sy’n golygu y bydd y cymorth a’r adborth a gewch chi yn eich helpu chi i ddysgu a datblygu sgiliau academaidd cryf. Mae ein myfyrwyr wedi ein rhoi ni yn 1af yng Nghymru am Gyfleoedd Dysgu a Llais Myfyrwyr (ACF 2024) sy’n golygu bod ystod eang o gyfleoedd ar gael i wella eich astudiaethau a bod myfyrwyr yn chwarae rhan weithredol wrth lunio eu profiadau dysgu. Mae ein hymrwymiad i’ch dysgu chi wedi golygu bod ein myfyrwyr yn ein rhoi ni yn 1af yng Nghymru ac yn gydradd 3ydd yn y DU am foddhad myfyrwyr (Times Higher Education, 2024, mesur ‘Positifrwydd Cyffredinol’). Dysgwch ragor am ein staff academaidd sy’n addysgu ar draws ein cyrsiau.
Gwybodaeth allweddol
-
Fel rheol, bydd ymgeiswyr angen gradd Anrhydedd, er y byddwn hefyd yn ystyried ymgeiswyr sydd â chymwysterau galwedigaethol a phrofiad.
Rydym yn derbyn ceisiadau o’r DU ac yn rhyngwladol.
Bydd rhaid i ymgeiswyr rhyngwladol a rhai o’r DU gael cyfweliad academaidd cyn cael cynnig lle.
-
Ar y cyfan, mae’r dulliau asesu’n seiliedig ar waith cwrs, gyda ffocws ar gynnig ystod o wahanol ffurfiau posibl, gan gynnwys cyflwyniadau, portffolios, ymatebion i astudiaethau achos yn ogystal ag aseiniadau ysgrifenedig.
Efallai y bydd y dulliau asesu yn gyfarwydd i fyfyrwyr rhyngwladol yng nghyd-destun y DU, ond yn anghyfarwydd iddyn nhw fel myfyrwyr. Os byddwch angen cymorth ac arweiniad yn ystod y rhaglen, defnyddir ystod o dechnegau sgaffaldwaith i’ch cefnogi.
Mae patrymau cyflwyno ac asesu’r rhaglen wedi’u creu er mwyn bod mor gynhwysol ag sy’n bosibl i bob myfyriwr, gyda phwyslais ar ddysgu mewn grwpiau bychain a chefnogaeth wedi’i theilwra.
Mae tri dull astudio: ar y campws, ar-lein a chyfun (cymysgedd o fodiwlau ar y campws ac ar-lein).
-
Efallai y byddwch yn gymwys i gael cyllid i’ch helpu gyda’ch astudiaethau. I ddysgu mwy am ysgoloriaethau, bwrsariaethau a chyfleoedd ariannu eraill, ewch i’n hadran Ysgoloriaethau a Bwrsariaethau.
-
Mae’r rhaglen wedi’i dylunio er mwyn datblygu eich galluoedd allweddol o ran cyflogadwyedd. Mae’r galluoedd allweddol yn cynnwys sgiliau fel cyfathrebu, arwain, a rheoli prosiectau, sgiliau sy’n hynod drosglwyddadwy ac sy’n ddeniadol i gyflogwyr modern.
Bydd yr hyblygrwydd i ddewis pynciau aseiniadau yn eich galluogi i addasu’r rhaglen i gyd-fynd â’ch diddordebau a’ch uchelgeisiau proffesiynol chi, ac felly bydd eich astudiaethau’n berthnasol i chi a’ch gweithle presennol neu yn y dyfodol.