���ϳԹ���

Os ydych chi’n teimlo’n angerddol dros yr amgylchedd, dyma’r adeg i feithrin sgiliau, gwybodaeth ac arbenigedd yn y maes. Mae lefelau cyflogaeth yn uchel ac mae cyfleoedd i gael gyrfaoedd hir.

Cewch ddatblygu’r sgiliau a gwybodaeth i’ch galluogi i gael effaith gadarnhaol ar yr amgylchedd ac i fanteisio ar gyfleoedd. Dysgwch a defnyddiwch y wyddoniaeth.

Ar y rhaglenni hyn, byddwch yn gwneud astudiaethau ymarferol ar dripiau maes, lle cewch ddefnyddio’r hyn rydych wedi’i ddysgu mewn sefyllfaoedd yn y byd go iawn. Mae’r cyfleoedd i wneud gwaith ymchwil ymarferol yn cynnwys mynediad at dir hen fwynglawdd yn y Farteg, sy’n ‘labordy agored’ ar gyfer astudio ailsefydliad bioamrywiaeth ar domenni glo, Prosiect Adfer Mawndiroedd Castell-nedd Port Talbot, a phrosiect plannu a monitro coed Bannau Brycheiniog.

Gyda ffocws ar reolaeth, cadwraeth a pheirianneg amgylcheddol, bydd ein cwrs yn rhoi sgiliau trosglwyddadwy i chi sy’n berthnasol i wahanol ddiwydiannau. Byddwch yn datblygu galluoedd datrys problemau ac yn annog newid ymddygiad cynaliadwy. Cewch brofiad gwerthfawr drwy wirfoddoli ac ymgysylltu â phrosiectau.

Bydd ein tîm addysgu ymroddedig, ein rhwydwaith o gyn-fyfyrwyr, a’n cydweithrediadau â’r diwydiant yn sicrhau cyfleoedd cyflogaeth rhagorol. Mae ein graddedigion wedi cael swyddi gydag awdurdodau lleol, ym meysydd cynllunio ecolegol, rheoli gwastraff, a mwy. Mae’r pwyslais rydym ni’n ei roi ar gymhwyso theori yn ein harfer yn eich paratoi ar gyfer swydd rheolwr o fewn y maes amgylcheddol.

Dyma bwnc enfawr sy’n cwmpasu llawer o’n pryderon mawrion, megis dod o hyd i ynni, costau byw, tyfu bwyd a gwastraff plastig, i enwi ond rhai. O ganlyniad, mae ein graddedigion wedi mynd i weithio mewn amrywiaeth o wahanol feysydd. Gallech ddewis canolbwyntio ar faterion daearyddol, fel erydu arfordirol er enghraifft, neu fynd i ystyried gwastraff a ffasiwn moesegol. Efallai y byddwch yn dewis gweithio ym maes polisi a llywodraethu economaidd.

Dyma’r adeg i feithrin sgiliau, gwybodaeth ac arbenigedd ym maes yr amgylchedd. Sbardunwch y newidiadau y mae ein planed eu hangen, a dechreuwch ar yrfa werth chweil mewn gwaith amgylcheddol. Ymunwch â ni, a chael effaith hirhoedlog ar ein byd.