ºÚÁϳԹÏÍø

Mae ein rhaglenni Athroniaeth, Diwinyddiaeth ac Astudiaethau Crefyddol yn archwilio’r cysyniadau sylfaenol sy’n diffinio ac sydd wedi diffinio’r profiad dynol ym maes anthropoleg, diwinyddiaeth, athroniaeth, astudiaethau crefydd, a moeseg. Wrth ddewis astudio yn Llambed cewch archwilio hen hanesion yn y man lle dechreuodd addysg uwch yng Nghymru.

Mae Crefydd a Diwinyddiaeth wedi’u gwreiddio’n ddwfn yn hanes y Brifysgol ers 1822 ac wedi’u sefydlu hefyd mewn ardal sy’n gyfoethog o ran treftadaeth grefyddol. Mae ein rhaglenni hefyd yn rhoi cipolwg ar amrywiaeth crefyddol yr 21ain ganrif, gan adlewyrchu arwyddocâd rôl crefydd mewn cymdeithas.  

Ochr yn ochr â hyn, mae ein rhaglenni Anthropoleg ac Athroniaeth yn archwilio helaethrwydd bodolaeth a meddwl dynol trwy ystod amrywiol o bynciau sy’n annog datblygu sgiliau craidd sy’n cael eu gwerthfawrogi’n fawr gan gyflogwyr.  

Wrth i chi fynd i’r afael â gwahanol syniadau a chysyniadau’r rhaglenni hyn, byddwch yn meithrin ymwybyddiaeth feirniadol o gymdeithas ddynol ac yn gallu mynegi’n glir ac yn rhesymegol yr hyn y mae’n ei olygu i fod yn fod dynol.   

Mae ein rhaglenni yn cynnig amrywiaeth hynod ddiddorol o fodiwlau, gydag opsiynau i astudio graddau cydanrhydedd, gan gynnig ffordd hyblyg a chyffrous i chi astudio trwy ein system addysgu trochol arloesol. Mae’n caniatáu i chi gynllunio rhaglen astudio i’ch siwtio chi fel unigolyn, gan ategu eich diddordebau, eich cryfderau academaidd, a’ch gobeithion ar gyfer y dyfodol. 

Wedi’u lleoli ar ein campws hardd yn Llambed, mae ein rhaglenni’n cynnig profiad ac amgylchedd dysgu cynhwysol gydag agwedd ymarferol ar y campws. Mae opsiynau dysgu o bell ar gael hefyd; gweler tudalennau’r rhaglen am y manylion. 

Mae ein dull addysgu trochol arloesol yn cynnwys dysgu bloc, seminarau mewn grwpiau bach a thiwtorialau un-i-un. Mae’n cynnig dealltwriaeth lawn o’r cysyniadau rydych chi’n ymwneud â nhw. 

Mae addysgu bloc, gan astudio un modiwl ar y tro, yn caniatáu i chi ymgolli’n llwyr yn y pwnc dan sylw wrth gydweithio gyda’ch cyfoedion o ddisgyblaethau eraill ar draws y dyniaethau. Mae’r dull unigryw hwn yn eich helpu i archwilio syniadau a chysyniadau o nifer o wahanol safbwyntiau.  

Mae’r addysgu ar draws ein clwstwr Athroniaeth, Diwinyddiaeth ac Astudiaethau Crefyddol yn cael ei arwain gan ymchwil, a diddordebau proffesiynol ac arbenigedd y darlithwyr yn sail iddo ac fel myfyriwr, byddwch yn elwa o gael staff addysgu gweithredol ym maes ymchwil a siaradwyr gwadd rheolaidd.