ºÚÁϳԹÏÍø

Mae ein clwstwr amrywiol o raglenni Gwaith Ieuenctid, Blynyddoedd Cynnar ac Eiriolaeth yn borth i fyd lle mae eich angerdd dros gael effaith gadarnhaol ar fywydau pobl eraill yn dod yn fyw. Gallwch ddewis astudio’n hyblyg yn y dydd neu gyda’r nos, gan ganiatáu i chi ddewis y llwybr sy’n gweithio orau i chi.

Gwnewch wahaniaeth i fywydau plant ifanc. Mae Addysg a Gofal Blynyddoedd Cynnar yn caniatáu i chi astudio holl agweddau ar ddatblygiad a dysgu plant ifanc. Hefyd, mae cyfleoedd i fynd ar leoliad yn caniatáu i chi raddio gyda Statws Ymarferydd Blynyddoedd Cynnar fel y gallwch ddatblygu dyfodol addysg blynyddoedd cynnar yng Nghymru. 

Paratowch am yrfa werth chweil gyda phlant a phobl ifanc trwy ein cyrsiau Gwaith gyda Phobl Ifanc a Gwaith Ieuenctid ac Addysg Gymdeithasol, y ddau wedi’u teilwra’n unigryw i fodloni’r heriau a’r cyfleoedd sydd yng Nghymru a thu hwnt. Cewch ennill y wybodaeth a’r sgiliau sy’n grymuso pobl ifanc ac yn cefnogi eu datblygiad.

Mae Eiriolaeth yn cynnig cyfle unigryw i ddatblygu’r sgiliau gofynnol i sefyll o blaid cyfiawnder. Yn y Drindod Dewi Sant, rydym yn falch o fod yn un o’r ychydig brifysgolion yn y DU sy’n cynnig y math hwn o radd eiriolaeth. Trwy astudio eiriolaeth, byddwch yn canfod eich llais eich hun,  yn ennill dealltwriaeth ddofn o gydraddoldeb fel y mae’n berthnasol i unigolion, ac yn meithrin yr hyder i ymladd yn erbyn anghyfiawnder. Mae llawer o’n graddedigion yn dod yn eiriolwyr proffesiynol dros elusennau a sefydliadau, yn dilyn gyrfaoedd mewn gwaith cymdeithasol neu’n dechrau eu mentrau cymdeithasol eu hunain.

Mwynhewch y posibiliadau a ddarperir gan opsiynau astudio ar y campws, ar-lein a dysgu cyfunol gydag addysgu cydamserol i ganiatáu i fyfyrwyr rannu a thrafod syniadau.  Cofleidiwch awyrgylch cymunedol bywiog ein cyrsiau bach, lle caiff eich llais ei glywed.   Cewch hefyd ddewis astudio trwy gyfrwng y Gymraeg neu’n ddwyieithog gyda nifer o’n cyrsiau ar gael i’w hastudio’n Gymraeg, gan ddarparu amgylchedd dysgu unigryw a throchol. 

Mae ein hymrwymiad i feithrin gweithwyr proffesiynol tosturiol yn ymestyn y tu hwnt i’r ystafell ddosbarth, gan sicrhau eich bod yn graddio gyda’r sgiliau, y wybodaeth a’r profiad ymarferol sydd eu hangen er mwyn llwyddo ym meysydd dynamig addysg blynyddoedd cynnar, gwaith ieuenctid ac eiriolaeth. Ymunwch â ni i lunio dyfodol mwy disglair trwy addysg, cefnogaeth ac eiriolaeth. Dyma ddechrau eich taith, bydd graddedigion yn mynd ymlaen i ystod o yrfaoedd neu hyfforddiant Ã´l-raddedig gan gynnwys gwaith ieuenctid, addysgu, darlithio, gwaith cymdeithasol, llesiant a chymorth i deuluoedd.