ºÚÁϳԹÏÍø

Ydych chi’n barod i blymio i fyd hynod ddiddorol y Gyfraith a Throseddu?  Bydd y radd hon yn eich helpu i ddeall y system gyfreithiol a sut mae’n gweithio o fewn cymdeithas.  Byddwch yn dysgu am y system cyfiawnder troseddol, gan gynnwys y prif sefydliadau dan sylw, a’r rolau amrywiol y gallech eu dilyn yn y maes hwn.

Mae’r cwrs yn canolbwyntio ar adeiladu eich gwybodaeth am system gyfreithiol Lloegr a sylfeini gwybodaeth gyfreithiol.  Byddwch hefyd yn archwilio agweddau gwleidyddol, seicolegol a chymdeithasol ar droseddeg, gan roi dealltwriaeth eang i chi o sut mae cyfreithiau’n cael eu gwneud a’u cymhwyso.  Mae hyn yn hanfodol i unrhyw un sy’n dymuno gweithio mewn meysydd fel plismona, carchardai, y gwasanaeth prawf, cyfiawnder ieuenctid neu unrhyw agwedd ar y system cyfiawnder troseddol. 

Gydol eich astudiaethau, byddwch yn datblygu offer dadansoddi beirniadol i werthuso troseddu, cyfiawnder, a chosbi.  Mae hyn yn cynnwys deall sut mae polisïau’n esblygu mewn ymateb i droseddu a dysgu am strategaethau atal troseddu ac ymateb i droseddu. Byddwch hefyd yn astudio canlyniadau cyfreithiol troseddu, gan gael mewnwelediad i droseddu cenedlaethol a rhyngwladol. 

Un o uchafbwyntiau’r cwrs hwn yw ei bwyslais ar sgiliau ymarferol.  Byddwch yn gwella’ch galluoedd ymchwil, dehongli a gwerthuso beirniadol. Mae’r sgiliau cyfreithiol ymarferol hyn yn amhrisiadwy p’un a benderfynwch ddod yn gyfreithiwr neu ddilyn rolau gyrfa eraill yn y system cyfiawnder troseddol. 

Mae’r radd hon hefyd yn darparu dealltwriaeth drwyadl o ddamcaniaethu troseddegol.  Byddwch yn astudio dimensiynau hanesyddol a gwleidyddol y gyfraith, yn ogystal â’r dimensiynau cymdeithasol, economaidd, a moesegol.  Bydd y dull cynhwysfawr hwn yn caniatáu i chi weld effaith troseddu ar gymdeithas a deall sut caiff ymatebion cymdeithasol i droseddu eu llunio. 

Addysgir y cwrs gan academyddion ac ymarferwyr profiadol, gan sicrhau eich bod yn cael addysg a mewnwelediad o ansawdd uchel gan y rheini sy’n gweithio yn y maes.  Byddwch yn clywed hefyd gan lunwyr polisïau ac arbenigwyr eraill, gan ddarparu safbwynt cytbwys ar y gyfraith a throseddeg.  Byddwch yn dysgu i wneud eich ffordd drwy sefyllfaoedd cyfreithiol cymhleth a chymhwyso eich gwybodaeth i broblemau’r byd go iawn, gan eich gwneud yn ased gwerthfawr mewn unrhyw yrfa yn y gyfraith neu gyfiawnder troseddol. 

I grynhoi, mae’r BA (Anrh) Y Gyfraith a Throseddeg wedi’i llunio i’ch paratoi am ystod eang o yrfaoedd yn y sectorau cyfreithiol a chyfiawnder troseddol.  P’un a oes diddordeb gennych mewn dadansoddi ymddygiad troseddol, polisi cyhoeddus, llywodraethu, neu ddod yn gyfreithiwr wrth ei waith, mae’r radd hon yn cynnig y wybodaeth a’r sgiliau sydd eu hangen arnoch i lwyddo.  Erbyn diwedd y cwrs, bydd gennych ddealltwriaeth eang o’r gyfraith a byddwch yn barod i wynebu’r heriau a’r cyfleoedd yn y maes deinamig hwn.