���ϳԹ���

Mae gan Scherto gefndir mewn ymchwil cymdeithasol ac mae hi wedi cynnal sawl ymchwiliad mewn meysydd amrywiol megis arloesi addysgol, profiadau rhyngddiwylliannol, meithrin heddwch mewn cymdeithasau ôl-wrthdaro, iachau torfol, llesiant cymunol, llywodraethu da, a thrawsnewid cymdeithasol.

Yn benodol, mae gan Scherto ddiddordeb mewn archwilio ymchwil fel arferion perthynol a phrosesau sy’n llunio dyfodol. I’r perwyl hwn, mae ganddi brofiadau mewn astudiaethau hanes bywyd, ymholiadau naratif, ymchwil cyfranogol a chydweithredol, ymchwil ar sail gweithredu ac ymchwil dulliau cymysg. Ymhlith portffolio ymchwil Scherto y mae prosiectau cyd-greadigol yn y gymuned wedi’u hanelu at ddeialog rhwng cenedlaethau ac ymholi ar gyfer iachau torfol, heddwch a llesiant. Am y rheswm hwn, hi yw cydlynydd .  

Yn gyfochrog â’i diddordebau ymchwil, mae Scherto hefyd yn cyfeirio ei hymholi tuag at gwestiynau normadol megis “Beth ddylai nodau addysg fod?”; “Beth sy’n gwneud llesiant dynol?”; “Beth yw’r cydgysylltiad rhwng heddwch cadarnhaol a llesiant dynol?”; “Sut ddylem ddeall cariad?”; a “Pha fath o system wleidyddol all wella ein llesiant torfol?”, ac yn y blaen. Mewn cydweithrediad â chydweithwyr, mae hi wedi  sy’n mynegi ymatebion cychwynnol i’r cwestiynau hyn, gan gynnwys Human-Centred Education (Routledge), Happiness, Flourishing and the Good Life: A Transformative Framework for Human Well-Being (Routledge), Understanding Peace Holistically (Peter Lang), Lest We Lose Love (Anthem Press), Why Love Matters: Values in Governance (Peter Lang), a Beyond Instrumentalised Politics (DeGruyter). 

Yn rhan o’i gwaith, mae Scherto hefyd yn cydgynnull . Mae’r rhain yn fannau ar gyfer archwilio cwestiynau da sy’n allweddol i drawsnewid ein dealltwriaeth o heddwch strwythurol, a chyd-ffyniant dyn â natur. Gall y digwyddiadau deialog hyn gyfoethogi ein penderfyniadau polisi ar y cyd. 

• Cymrawd Oes, Cymdeithas Frenhinol y Celfyddydau (FRSA)
• Bwrdd Golygyddol, Journal of Studies in Spirituality
• Bwrdd Golygyddol, Journal of Dialogue Studies
• Aelod Bwrdd, Fforwm Heddwch Byd-eang RISING
• Aelod Bwrdd, Fforwm Ysbryd Dyngarwch

Yn , mae diddordebau Scherto’n canolbwyntio ar ddeall heddwch cadarnhaol, ecoleg llesiant, a ffyniant dynol fel prosesau cyfannol a deinamig. Ar hyn o bryd, mae hi’n gweithio ar rai prosiectau ymchwil wedi’u comisiynu, gan gynnwys: (1) Deialog ac Ymholi Rhwng Cenedlaethau a Chylchoedd Iachau Torfol UNESCO mewn cymunedau byd-eang i archwilio sut y gallant gael effaith ar lesiant cymunol; (2) arolwg gydag ieuenctid byd-eang i geisio eu safbwyntiau ar arweinyddiaeth ieuenctid ac i gyd-greu rhaglen arweinwyr y dyfodol UNESCO; (3) ymchwiliad rhyngddisgyblaethol i ddeall pa amodau economaidd-gymdeithasol a sefydliadol all gefnogi cysylltiadau cariadus a gofalgar ymysg pobl.

Mae Scherto hefyd yn datblygu cyfres o lyfrau sy’n mynd y tu hwnt i feirniadaethau cyffredin o lywodraethiant cyhoeddus. Ei nod yw archwilio tueddiadau adeiladol ac addawol at ddemocratiaeth sy’n gysyniadol gadarn, egluradwy yn ymarferol, ac sy’n ddichonadwy yn sefydliadol. Mae’n ceisio ail-ddiffinio llywodraethiant cyhoeddus fel mannau a phrosesau cymdeithasol ar gyfer hwyluso a chydlynu meithrin consensws a gwneud penderfyniadau ar y cyd. Bydd ar fannau a phrosesau o’r fath angen sefydliadau perthnasol i ennyn diddordeb pobloedd a chymunedau gyda pharch, hwyluso deialog ac ystyriaeth yn heddychlon, a rhoi sylw cyfartal i leisiau amrywiol. 

I’r perwyl hwn, mae Scherto’n gweithio gydag ymchwilwyr ac awduron i gyflwyno llyfrau o wahanol feysydd a disgyblaethau.