ºÚÁϳԹÏÍø

Mae’r radd gydanrhydedd hon mewn Ysgrifennu Creadigol ac Athroniaeth yn  cynnig cyfle i chi archwilio dwy ddisgyblaeth gyflenwol. Gan gyfuno’r grefft o ddweud stori â meddwl dadansoddol, dwfn, bydd y cwrs hwn yn meithrin eich mynegiant creadigol tra’n ddatblygu eich gallu i fynd i’r afael â chwestiynau mawr bywyd.

Yn Ysgrifennu Creadigol, byddwch yn ymgolli yn y grefft o ysgrifennu, dan arweiniad tiwtoriaid arbenigol sy’n awduron cyhoeddedig eu hunain. Yn eich blwyddyn gyntaf, byddwch yn archwilio barddoniaeth, rhyddiaith a drama, gan ennill sylfaen gref mewn gwahanol ffurfiau o ysgrifennu. Wrth i chi symud ymlaen, byddwch yn mireinio’ch sgiliau wrth greu gweithiau gafaelgar, gan ganolbwyntio ar elfennau fel llais, ffurf, a lle. Bydd modylau mewn ffuglen ac ysgrifennu barddoniaeth yn eich helpu i adeiladu eich arbenigedd technegol, tra bod sgiliau hunan-adfyfyriol a golygyddol yn cael eu datblygu trwy weithdai ymarferol.

Mae’r rhaglen hefyd yn eich paratoi ar gyfer cyfleoedd proffesiynol. Byddwch yn dysgu am gyhoeddi a pherfformio ac yn cael profiad ymarferol mewn meysydd fel creu cynnwys digidol, ysgrifennu ar gyfer y sgrin, newyddiaduraeth, a hyd yn oed ysgrifennu ar gyfer gemau. Bydd y sgiliau hyn yn eich galluogi i adeiladu portffolio ysgrifennu amrywiol, gan eich paratoi ar gyfer ystod o rolau yn y diwydiannau creadigol.

Ochr yn ochr ag Ysgrifennu Creadigol,  mae agwedd Athroniaeth y radd yn eich cyflwyno i gwestiynau dwys a heriol. Nid yw athroniaeth yn ymwneud â derbyn gorchymyn beth i’w feddwl, ond yn hytrach dysgu sut i feddwl yn feirniadol ac yn greadigol. Byddwch yn archwilio pynciau mewn athroniaeth a moeseg, athroniaeth wleidyddol, a moeseg gymhwysol, gan ganolbwyntio ar faterion cyfoes fel cyfiawnder, pŵer a hunaniaeth.

Mae’r modylau’n ymdrin â hanes athroniaeth a dadleuon athronyddol cyfoes, gan sicrhau dealltwriaeth gynhwysfawr o’r maes. Byddwch yn astudio meddylwyr a damcaniaethau sylfaenol wrth gymhwyso syniadau athronyddol i heriau modern. Trwy ddatblygu eich sgiliau dadansoddol ac ymgymryd â dadansoddi beirniadol, byddwch yn dysgu sut i lunio dadleuon clir a gwerthuso problemau cymhleth.

Mae’r radd ryngddisgyblaethol hon yn eich arfogi â chyfuniad unigryw o sgiliau creadigol a dadansoddol, gan eich paratoi ar gyfer gyrfaoedd yn y sectorau creadigol, addysg, cyhoeddi neu unrhyw faes sy’n gwerthfawrogi meddwl a chyfathrebu arloesol. P’un a ydych yn anelu at greu straeon sy’n cael effaith, cyfrannu at drafodaethau athronyddol, neu ddilyn y ddau lwybr, mae’r cwrs hwn yn darparu’r offer a’r wybodaeth i gyflawni eich uchelgeisiau.