ºÚÁϳԹÏÍø

Mae Diwrnod Agored yn ddigwyddiad mwy lle bydd sgyrsiau wedi’u trefnu sy’n eich cyflwyno i’r brifysgol, ei chyrsiau, a’i gwasanaethau cymorth. Mewn cyferbyniad, mae Noson Agored yn ddigwyddiad llai a byrrach sy’n ffocysu ar sgyrsiau un i un gyda thimau addysgu a gwasanaethau myfyrwyr. Mae Nosweithiau Agored yn arbennig o ddefnyddiol ar gyfer y sawl sy’n gweithio, sydd â theuluoedd, neu ymrwymiadau eraill, gan gynnig iddynt ffordd fwy hamddenol a phersonol i ddysgu am y brifysgol. 

Fel arfer, mae Diwrnodau Agored yn dechrau rhwng 9:30 a 10:00 y bore ac yn dod i ben tua 14:30, yn amodol ar y campws. Ar y llaw arall, fel arfer, mae Nosweithiau Agored yn dechrau am 16:00 ac yn gorffen am 18:00. Gan fod yr amseroedd hyn yn gallu amrywio, mae’n hanfodol eich bod yn gwirio amseroedd penodol y digwyddiad rydych chi’n bwriadu ei fynychu. 

Oes, mae’n bwysig cadw lle ar Ddiwrnod Agored neu Noson Agored. Trwy gadw lle ymlaen llaw, gallwn sicrhau y bydd staff academaidd eich dewis faes pwnc ar gael i gwrdd â chi. Mae cadw lle hefyd yn ein helpu ni i reoli’r digwyddiad yn ddiffwdan, gan roi profiad trefnus a phersonol i chi. 

Yn sicr, gallwch chi ddod â’ch rhieni, gwarcheidwaid neu gefnogwyr gyda chi. Mae’r unigolion hyn yn chwarae rhan bwysig wrth eich helpu i wneud y penderfyniad iawn, gan ofyn cwestiynau nad ydych chi o bosibl wedi’u hystyried. Mae eu cyfraniad nhw yn sicrhau bod gennych yr holl wybodaeth sydd ei hangen i wneud y dewis gorau ar gyfer eich astudiaethau. 

Na, nid oes raid i bobl sy’n dod gyda chi archebu tocynnau ar wahân. Gallant ymuno â chi yn y Diwrnod Agored neu Noson Agored heb archebu unrhyw beth yn ychwanegol. Gall eu presenoldeb fod yn ddefnyddiol iawn, oherwydd efallai y byddant yn gofyn cwestiynau nad ydych chi wedi’u hystyried, gan sicrhau eich bod yn cael yr holl wybodaeth sydd ei hangen arnoch. 

Gallwch, mae croeso i chi ddod â’ch plant gyda chi. Rydym yn deall pwysigrwydd hyblygrwydd, yn arbennig ar gyfer y rheiny sy’n cydbwyso astudio gyda gwaith a bywyd teulu. Mae llawer o’n myfyrwyr yn dod â’u teuluoedd i Ddiwrnodau Agored, ac rydym yn cefnogi hynny’n llawn. 

Yn bendant. Mae ein Diwrnodau Agored ²¹â€µµ Nosweithiau Agored ar agor i bawb, gan gynnwys myfyrwyr aeddfed. Rydym yn croesawu myfyrwyr o bob oed ac rydym yn gymwys i gefnogi’r rhai hynny sy’n gyntaf o’u teulu i fynychu prifysgol neu sy’n dychwelyd i addysg ar ôl egwyl. P’un a ydych yn ystyried Diwrnod Agored neu Noson Agored, rydym ni yma i’ch helpu i wneud y dewis iawn ar gyfer eich dyfodol. 

Byddwch, ar ôl cadw lle, fe gewch e-bost cadarnhau gan Eventbrite. Bydd yr e-bost hwn yn cynnwys cod QR i gofrestru ar y dydd. Byddwn hefyd yn anfon e-byst atgoffa atoch yn nes at yr amser i’ch helpu i baratoi a chynllunio eich ymweliad, gan sicrhau bod gennych bopeth sydd arnoch ei angen.  

Oes, mae’n rhaid cofrestru wrth gyrraedd y digwyddiad. Mae hyn yn bwysig am resymau iechyd a diogelwch, gan fod angen i ni wybod pwy sydd ar y campws. Yn ogystal, mae cofrestru’n ein helpu i’ch cyfeirio chi at y timau academaidd priodol, gan sicrhau eich bod yn gwneud yn fawr o’ch ymweliad. 

Bydd, mae teithiau campws y rhan annatod o’n Diwrnodau Agored ²¹â€µµ Nosweithiau Agored. Mae’r teithiau hyn yn rhoi cyfle i chi archwilio’r campws, gweld y cyfleusterau, a chael ymdeimlad o naws yr amgylchedd. Mae’n ffordd wych i ddychmygu eich hun yn astudio yma a gweld ble gallech chi fod yn byw a dysgu. 

Cewch yr holl wybodaeth sydd ei hangen arnoch i gyrraedd ein campysau ar ein tudalennau lleoliad. Mae gennym gampysau yn Abertawe, Caerfyrddin, Llambed a Chaerdydd. Mae pob tudalen yn darparu cyfarwyddiadau, opsiynau trafnidiaeth, a manylion hanfodol eraill i’ch helpu i gynllunio eich taith yn ddiffwdan. 

Os ydych chi’n athro sy’n bwriadu dod â grŵp o fyfyrwyr i Ddiwrnod Agored, e-bostiwch ein tîm recriwtio.  

Dylech gynnwys manylion fel a ganlyn:  

• Nifer y myfyrwyr  

• Y pynciau sydd o ddiddordeb iddynt  

• Amser cyrraedd a gadael disgwyliedig 

• Gwybodaeth gyswllt eich ysgol  

Bydd aelod o’r tîm yn cysylltu â chi i gadarnhau eich archeb a helpu gydag unrhyw drefniadau ychwanegol.