���ϳԹ���

Mae’n bleser gan Brifysgol Cymru Y Drindod Dewi Sant gyhoeddi cynhadledd ryngwladol i gofio 40 mlynedd o Desperately Seeking Susan, y ffilm eiconig, wedi’i chyfarwyddo gan Susan Seidelman, a ailddiffiniodd gyfeillgarwch benywaidd ar y sgrin. 

Cynhelir y digwyddiad hwn ddydd Iau, 10 Ebrill, a dydd Gwener, 11 Ebrill 2025, yng Nghanolfan Dylan Thomas PCYDDS yn Abertawe.  Bydd yn dod ag ysgolheigion, pobl greadigol, a selogion at ei gilydd i archwilio treftadaeth ddiwylliannol y ffilm a phortreadu cyfeillgarwch benywaidd sy’n cael ei esgeuluso’n aml yn y cyfryngau gweledol. 

Yn y sinema, straeon o gyfeillgarwch gwrywaidd sy’n dwyn y sylw yn aml, wedi’u mawrygu drwy naratifau anturus neu lawn emosiwn.  Ond, anaml y rhoddid yr un sylw i gyfeillgarwch benywaidd, sydd yr un mor ddeinamig ac yn drawsffurfiol iawn.  Torrodd Desperately Seeking Susan y mowld hwnnw, gan gyflwyno darluniad llawen a haenog o fenywod yn ffurfio cysylltiadau, yn adfer galluogedd, ac yn herio disgwyliadau cymdeithasol. 

Meddai Rebecca Ellis, darlithydd yn PCYDDS a threfnydd y gynhadledd:  

“Rydym yn falch o gynnal y gynhadledd hon i ddathlu cyfeillgarwch benywaidd mewn ffilm – pwnc sy’n cael ei archwilio’n anaml yn y byd academaidd.  Mae’n gyffro i ni groesawu (yn rhithwir) y cyfarwyddwr Susan Seidelman (Desperately Seeking Susan, Sex & The City) i gyflwyno cipolwg newydd ar y ffilm wrth iddi ddathlu 40 mlynedd. 

“Rydym wrth ein boddau i anrhydeddu’r ffilm arloesol hon ac yn croesawu cyfraniadau gan leisiau o bob rhan o’r byd”

Gwahoddir ysgolheigion, ymchwilwyr, ac ymarferwyr i gyflwyno crynodebau o ddim mwy na 250 o eiriau, ynghyd â bywgraffiad byr o hyd at 150 o eiriau.  Dylai cyflwyniadau archwilio pynciau megis: 

• Portreadau o gyfeillgarwch benywaidd mewn ffilm a theledu, yn y gorffennol a’r presennol. 
• Gweithiau gan gyfarwyddwyr benywaidd nad ydynt yn cael eu gwerthfawrogi ddigon. 
• Astudiaethau achos o DesperatelySeeking Susan a naratifau tebyg wedi’u gyrru gan fenywod. 
• Dadansoddiadau o berfformiad a phersona seren Madonna, a thrac sain y ffilm. 

Rhaid cyflwyno crynodebau erbyn dydd Gwener, 17 Ionawr 2025. Anfonir hysbysiadau o dderbyniad erbyn dydd Mercher, 20 Chwefror 2025, a dylai’r cyflwyniadau terfynol gael eu hanfon mewn erbyn dydd Mawrth, 1 Ebrill 2025. Dylid anfon pob cyflwyniad at Rebecca Ellis yn r.ellis@uwtsd.ac.uk

Peidiwch â cholli’r cyfle cyffrous hwn i dwrio i gyfraniadau diwylliannol arloesol DesperatelySeeking Susan ac i ddathlu pŵer oesol cyfeillgarwch benywaidd.

I gael rhagor o fanylion, cysylltwch â Rebecca Ellis yn r.ellis@uwtsd.ac.uk

Gwybodaeth Bellach

Lowri Thomas

Prif Swyddog Cyfathrebu a Chysylltiadau Cyhoeddus      
Cyfathrebu Corfforaethol a Chysylltiadau Cyhoeddus      
E-bost: lowri.thomas@pcydds.ac.uk      
���ô��:&�Բ�����;07449&�Բ�����;998476