CoronaVent1 – Peiriant anadlu newydd yn gallu achub bywydau a chreu swyddi
Mae Canolfan Arloesi Technolegau Cynorthwyol (ATiC), ynghyd â thîm o ddoctoriaid a pheirianwyr o Brifysgol Abertawe wedi llunio peiriant anadlu newydd y gellir ei adeiladu’n gyflym gyda darnau lleol ac – yn hollbwysig – ei ddefnyddio hyd yn oed gyda chleifion sydd â choronafirws difrifol.
Gellir adeiladu’r dyluniad newydd, a elwir yn CoronaVent-One, yn hawdd gyda darnau cyffredinol a phaneli plastig.
Yn ogystal ag achub bywydau, gall y dyluniad newydd helpu creu swyddi a hybu adfywiad economaidd oherwydd bod y galw byd-eang am beiriannau anadlu yn debygol o aros yn uchel wrth i’r pandemig barhau.