ºÚÁϳԹÏÍø

Mae’r FfAP yn fframwaith dysgu hyblyg ac anhraddodiadol a luniwyd ar gyfer gweithwyr proffesiynol i gydbwyso eu hastudiaethau â’u hymrwymiadau proffesiynol a phersonol. Mae’n caniatáu i ddysgwyr integreiddio eu dysgu yn uniongyrchol i’w gweithle.

Mae profiad proffesiynol ar lefel briodol yn werthfawr iawn ac felly fel arfer mae’n cael ei ystyried yn gyfwerth â dyfarniadau addysg uwch.

Oes, mae’r rhan fwyaf o’n dysgwyr yn gyflogedig ar hyn o bryd neu’n dal rolau gwirfoddoli sylweddol y maent yn cyfrannu’n weithredol iddynt ac y gallant eu hintegreiddio i’w hastudiaethau.

Dylech ddisgwyl cyfuniad o aseiniadau ysgrifenedig, portffolios, a chyflwyniadau wedi’u teilwra i adlewyrchu heriau yn y byd go iawn, gan alluogi gwerthusiad cynhwysfawr o’ch sgiliau a’ch cynnydd mewn cyd-destun ymarferol heb unrhyw arholiadau safonedig.  

Rydym yn cynnig opsiynau dysgu ar gampws ac o bell i ddarparu ar gyfer dewisiadau dysgu ac amserlenni amrywiol. 

Mae credydau’r modylau yn amrywio o 5 i 60, ac wedi’u teilwra i weddu i lwybrau dysgu unigol. Mae’r modwl Cydnabod ac Achredu Dysgu (RAL) yn caniatáu i ddysgwyr hawlio dwy ran o dair o’r modwl am ddysgu drwy brofiad, yn ogystal ag 20 credyd am elfen y traethawd. 

Mae dysgu drwy brofiad yn golygu dysgu drwy brofiad uniongyrchol yn y gweithle ac adfyfyrio ar y profiad hwnnw. Mae cymhwyso hyn o fewn ein modwl RAL yn pwysleisio pwysigrwydd profiad ymarferol a geir yn y gweithle a sut mae’n cyfrannu at y broses ddysgu.

Mae’r FfAP yn cydnabod ac yn achredu dysgu blaenorol drwy brofiad (APEL) gan ganiatáu i ddysgwyr hawlio hyd at ddwy ran o dair o gymhwyster am y wybodaeth a’r profiad sydd ganddynt eisoes.

Ydy, rydyn ni’n cynnig darpariaeth ddwyieithog ar draws ein holl raglenni FfAP.

Mae’r FfAP yn canolbwyntio ar weithwyr proffesiynol a’u sefydliadau, gan ddarparu rhaglenni sy’n canolbwyntio ar gyflogwyr sy’n cyfoethogi datblygiad proffesiynol ac effeithiolrwydd yn y gweithle.

Mae’r rhaglenni FfAP yn hyblyg, gan ganiatáu i ddysgwyr astudio heb yr angen i fynychu’r brifysgol yn wythnosol. Mae pob modwl yn gofyn am ymrwymiad addysgu sy’n cyfateb i 4 diwrnod, sy’n ei wneud yn haws i’w gydbwyso â bywyd gwaith a phersonol.

Mae dysgwyr yn derbyn arweiniad a mentoriaeth arbenigol gan weithwyr proffesiynol profiadol, gan sicrhau eu bod yn cael y cymorth sydd ei angen i wella eu taith ddysgu a’u twf proffesiynol.

Mae’r manteision yn cynnwys y gallu i gydbwyso astudiaethau ag ymrwymiadau eraill, hyblygrwydd, cefnogaeth ardderchog, cyfle i weld gwerth y dysgu rydych wedi’i gaffael trwy weithio, ffocws ar hunanadfyfyrio a dadansoddi beirniadol, gwell hunanymwybyddiaeth a deallusrwydd emosiynol, a gwell sgiliau cyfathrebu a chydweithio.

Mae cyflogwyr yn elwa o’r FfAP gan ei fod wedi’i deilwra i wella sgiliau a galluoedd eu gweithlu, gan arwain at fod yn fwy effeithiol o ran datrys problemau, creadigrwydd, a chynhyrchiant cyffredinol yn y gweithle. 

I gael rhagor o wybodaeth am gofrestru ar raglen FfAP, ewch i dudalennau’r cwrs.

Ym mhob carfan, mae amrywiaeth o ddysgwyr o sectorau gwahanol, ac fel dysgwr byddwch yn ymuno â chymuned dysgu FfAP sefydledig lle byddwch yn elwa o gyfleoedd i rwydweithio. 

Gallwch ddilyn ein ffrwd cyfryngau cymdeithasol i gael newyddion am ddigwyddiadau, diweddariadau cwrs ac astudiaethau achos dysgwyr.

Ydyn. Mae Profion Seicometrig Insights yn helpu dysgwyr i ddeall mwy amdanyn nhw’u hunain ac eraill, gwella eu harferion gwaith a’u perthnasoedd rhyngbersonol. 

Gallant, gall dysgwyr astudio un modwl ar y tro a’i gwblhau, sy’n wych ar gyfer datblygiad proffesiynol a dysgu hyblyg.

Mae’r FfAP yn annog dysgu hunangyfeiriedig sy’n gefnogol ac yn canolbwyntio ar y dysgwr, gan ganiatáu i unigolion gymryd rheolaeth o’u taith addysgol eu hunain.

Mae’r FfAP yn cynnwys modylau generig sydd wedi’u llunio i fod yn berthnasol ar draws pob diwydiant a chefndir, gan wneud y dysgu’n berthnasol iawn i’r unigolyn.

Mae dysgwyr yn cymryd rhan mewn ymchwil seiliedig ar waith sydd wedi’i deilwra i fynd i’r afael â heriau neu faterion go iawn yn y gweithle, gan sicrhau bod eu hymchwil yn cael effaith sylweddol ar eu datblygiad personol a’u sefydliad.

Cyfunir astudiaeth academaidd yn y FfAP â dysgu yn y gweithle, gan roi gwell gwybodaeth, dealltwriaeth a sgiliau i ddysgwyr i wella eu perfformiad yn y gwaith tra maent yn ennill cymhwyster academaidd.

Gellir, mae’r Drindod Dewi Sant yn cynnig y FfAP fel darpariaeth unigryw yn y gwaith y gellir ei deilwra i fodloni anghenion dysgwyr unigol yn ogystal â sefydliadau.

Gall dysgwyr yn y Fframwaith Arfer Proffesiynol (FfAP) astudio amrywiaeth o fodylau a luniwyd i fod yn hyblyg a pherthnasol ar draws pob diwydiant. Mae’r modylau’n cwmpasu ystod eang o bynciau sy’n gwella datblygiad proffesiynol ac effeithiolrwydd yn y gweithle. 

Gwahoddir pob dysgwr i gwrdd ag aelod o dîm Derbyniadau’r FfAP er mwyn trafod a llunio llwybr dysgu a negodir yn unigol sy’n cyd-fynd â dyheadau gyrfa’r dysgwr yn awr ac yn y dyfodol. 

Ydy, mae’n bosibl astudio am ddyfarniad penodol mewn hyfforddiant a mentora yn y Drindod Dewi Sant. Rydym yn cynnig amrywiaeth o gymwysterau wedi’u teilwra yn y maes hwn, gan gynnwys Meistr yn y Celfyddydau (MA), Diploma Ôl-raddedig (PGDip), a Thystysgrif Ôl-raddedig (PGCert) mewn Hyfforddiant a Mentora. Mae’r rhaglenni hyn wedi’u llunio i ddarparu gwybodaeth fanwl a sgiliau ymarferol mewn hyfforddiant a mentora, gan eu gwneud yn addas ar gyfer gweithwyr proffesiynol sy’n awyddus i wella eu harbenigedd neu achredu eu profiad.  

Er nad oes grantiau neu fwrsariaethau sy’n benodol ar gyfer talu ffioedd cwrs, unwaith y byddwch wedi cofrestru ceir mynediad at ystod o grantiau a chronfeydd trwy’r uned Gwasanaethau Myfyrwyr i gefnogi eich dysgu trwy gysylltedd digidol, costau datblygu gyrfa, bwrsariaeth costau cwrs e.e. ar gyfer llyfrau neu offer arbenigol.   

Cymorth cyllido ôl-raddedig   
Cymorth cyllido israddedig